Do gaji mali Ubadi tot lai nna mara shut ai pati masha hpe ari jo ai lam

　　№27 Pati hpongchyom ni asat tara jep sagon ai hta pati masha ni mom lu mop sha ningsin ja la sha, magam tat mu hprai re hkyuk dam tara hta dodan ai mara mu shut mu mu hkrup jang, pati hpung gata na mu lit ni dom kau ya, pati n shapro kau ai yu maram ari jo shing nrai pati ko nna shapro ari jo rai na.

　　№28 Pati hpongchyom ni asat tara jep sagon ai hta pati masha ni hkyuk dam tara hta dodan ai lam shut ai lailen mu hkrup jang, mara shut ai n rai tim pati asast tara lit hkan jep sagon yu ra ai rai jang, shi a masa hta hkan nna sadi ga jo ai ko nna pati ko nna shapro kau ai ari mai jo ra ai.

　　№29 Pati hpongchyom ni asat tara jep sagon ai hta pati masha ni gaga tara shut mu galo nna, pati sari shabya, pati, mungdan hte mungchying sha ni a akyu ara jahten shaza ya ai hpe mu hkrup jang, masa laja ai hte n laja ai hta hkan nna pati asat tara ari jo na.

　　Pati masha lakung lama shamat kau sai ni hpe go, na-du ai hku pati sari jahten shabya ya ai masa hta hkan nna pati ko nna shapro kau ra sai.

　　№30 Pati masha ni pati asat tara hkan jep ai hkrum nna, mara shut ntsen masha rai jang, aten hte hkrak rai nna sengang ai mungdan rungdap de sa sa nna ubadi hta hkan nna lajang ra ai. Htung tara mara jo ra shing nrai pati asat tara ari jo ra ai ni hpe go, sengang rungdap shing nrai hpongchyom de lajin lam tsun dan ra ai.

　　№31 Pati masha ni ubade tara hte rim la hkrum ai rai jang, pati hpongchyom ni gonhkang shingwang hta hkan nna shi ga dodan ahko ahkang, ra lata ahko ahkang hte ra lata hkrum ahko ahkng re pati masha ahko ahkang dom kau ya ra sai. Htunghkang rungdap ni lajang ai nsi ko hkan nna, pati masha ahko ahkang shabai ya ra ai hpe go, lau lau shabai ya ra ai.

　　№32 Pati masha ni mara shut ai nsong nna, mungchying sha tara jep rung ni ubai hta hkan nna mara shok na hku dodan ai, shing nrai mungchying sha ubadi rung ni ubadi ko hkan nna mara shagun nna ari dom kau ai ni hpe go, pati hpung gaba na mu lit dom kau ya, pati n shapro kau ai yu maram shing nai pati hpung ko nna shapro kau ai ari jo na.

　　Pati masha ni mara shut nna, gumhpro shawa ai hkrum ai ni hpe go, shong de na tara zinghkat hta dodan ai ko hkan nna lajang na.

　　№33 Pati masha ni mara shut yang, lawu de na masa ko na langai hta wa hkra jang, pati ko nna shapro kau ai ari jo ra ai:

　　1.Dingsang mara shut nna hkyukdam tara da dodan ai ari madung(Hpang jahkrat nna ari jo ai lom) ai.

　　2. Mara sha shagun shing nrai mung masa ahko ahkang dom kau ai hkrum ai.

　　3. N sadi ai majo mara shut nna, masum ning a lahta de (Aten masum ning lom ai) htong rong ari jo ai.

　　Nsadi ai majo mara shut nna masum ning a lawu de (Aten masumng ning lom ai) htong rong ari jo shing nrai hkan tek gon, gan rim tek hkrum re ni hpe go, mayu e pati ko nna shapro kau ra ai. Masha nkau pati ko nna n shapro kau ra ai hpe go, pati masha ari jo dodan hta hkan nna, lahta tsang pati hpongchyom de apnong nna hkra ya hpyi ra ai.

　　№34 Pati masha ni hka mara lit hkanjep hkrum ai hpe go, pati hpongchyom ko nna htung hkang rungdap ko nna mara dodan, maram dodan, dodan masat ai hte shagrin da ai gaga mu lam, sam majin hte masa ni hpe yu nna, tara nambat ndai dodan ko hkan nna pati asat tara ari jo shing nrai hpongchyom hku lajang hkrat wa na.

　　Pati masha ni ubadi hta hkan nna htung tara ari jo, htung tara mara jo hkrum ai rai yang, pati asat tara lit hkan jep yu ra ai, pati hpongchyom ni htung tara ari jo, htung tara mara jo dodan mu lam, sam majing hte masa ko hkan nna, jep jahko yu ai hpang tara nambat ndai a dodan ko hkan nna pati asat tara ari jo shing nrai hpongchyom hku lajang ra ai.

　　Pati masha ni mungdan ubadi tara masa shut, sutgan magam dap mu htam rungdap shing nrai gaga hpong shingra hpongchyom ni a do masat htung tut lai nna gaga asat tara ari jo hkrum ai rai yang, pati asat tara lit hkan jep yu ra ai ni hpe go, pati hpongchyom ko nna seng ang maga de na ni shagrin ai mu lam, sam majing te masa ni hpe jep jahko yu ai hpang, tara nambat ndai dodan ai ko hkan nna pati asat tara ari jo shing nrai hpongchyom hku nna lajang na.

　　Pati hpongchyom ko nna pati asat tara ari jo shing nrai hpongchyom ko nna lajang dodan ai hpang, htunghkang rungdap, uphkang rungdap re ni ubadi hta hkan nna ami na mara dodan, maram dodan, dodan masat ai hte shagrin da ai ni hpe lai kau nna, ami na pati asat tara ari jo shing nrai hpongchyom hku lajang dodan ai hta ning ra hkra ai lam nga jang, pati hpongchyom ni lai kau ai hpang na mara dodan, maram dodan, dodan masat re ni hpe alam mi hku bai mai lajang ai.