Do gaji masum Asat tara tot lai ari jo htung masa

　　№16 L awu de na masa langai ko wa hkra ai ni hpe go, tsang ai hku shing nrai shatsang nna lajang na:

　　1.Madu hpang de nna pati asat tara shut ari jo manghkang tsun shapro ai.

　　2. Madu hpang de nna mara shut manang shing nrai gaga masha ni pati asat tara ari jo hkrum shing nrai ubadi tara hte je yang hkrum ai manghkang tsun shapro nna, jep shateng lu sai.

　　3. Madu hpang de nna sum lam awai la, n-gaja lam awai shing nrai n-gaja mu byin wa na hpe hkan ningdip kau lu ai.

　　4. Madu hpang de nna tara tot nna lu ai arai ni gyau ap ai.

　　5. Gaga akyu bungli shapro ai.

　　№17 Zangmu a lak re masa hta hkan nna, ginjo asat tara salang rapdo ni dodan shingn rai mungdo gaba(dap)tsang asat tara salang rapdo(Mungdo gaba tsang myu asat tara ningtau salang rapdo n lom ai) dodan nna ginjo asat tara salang rapdo de shagun nna ahkang jo shangun ai rai jang, asat tara shut shai ai pati masha ni hpe ndai tara nambat a dodan ai ari jo shadang hta grit ai hku ari jo mung mai ai.

　　№18 Pati masha ni asat tara shut shai nna sadi ga jo shing nrai na-du sadi ga ari jo ra ai rai yang, ndai tara №16 na dodan langai shing nrai tara nambat ndai a gaga dinghkat ko dodan ai masa hta wa hkra jang, daru sharin shaga shaing nrai hpongchyom hku nna lajang

　　nhtom, pati asat tara shut ari jo ai dom kau ya na. Asat tara shut shai ai pati masha ni a ari jo ai dom kau ya yang, laika hte ka shadan ra ai.

　　№19 Lawu de na masa langai hta wa hkra jang, li nak ai hku shing nrai grau li nak ai hku ari jo ra ai:

　　1.Asat tara gahkyin mali lajang ai lam hta, kam mara rai, dingyang no galo ai.

　　2. Masha ni hpe dip shagui, jashut nna asat tara shut shangun ai.

　　3. Tara nambat ndai hta gaga hku dodan ai.

　　№20 Dingsang asat tara shut nna ari jo hkrum ai hpang dingsang asat tara bai shut nna pati asat tara shut ari jo hkrum ai hpe go, li nak ai hku ari jo na.

　　Pati masha ni asat tara shut nna pati asat tara shut ari jo hkrum ai hpang, ari jo ai shong na asat tara shut lai hpe bai mu nna pati asat tara shut ari bai jo ai rai yang, li nak ai hku ari jo ra ai.

　　№21 Hpa ai hku ari jo ai go, tara nambat ndai hta dodan ai asat tara shut ari jo hkrum sha shadang ninggam gata hta, hpa ai hku ari jo ai hpe ngu ai re.

　　Linak ai hku ari jo ai go, tara nambat ndai hta dodan ai asat tara shut ari jo hkrum sha shadang ninggam shinggam gata hta, loi li nak ai hku ari jo ai hpe ngu ai re.

　　№22 Ari jo shadang jahpa shatsang ai go, tara nambat ndai hta dodan ai ari jo hkrum sha ai shadang ningam gata ko lai nna, ahtik mi shagrit shatsang ai hpe ngu ai re.

　　Linak ari jo ai go, tara nambat ndai hta dodan ai asat tara shut ari jo hkrum sha shadang ninggam hta lai nna, ahtik mi shali shanam ai hpe ngu ai re.

　　№23 Masha marai mi tara nambat ndai hta dodan ai lahkong a lahte de(Lahkong) du ai pati asat tara ari jo lai len nga jang, galang ta gapyon nna lajang na, shi a asat tara shut lai len ari jo hkrum sha ra ai tso htum ari hta ahtik mi shali shanam nna ari jo ra ai. Dai hta asat tara shut lailen myu mi go pati dom kau ari jo ai hkrum sha ra ai rai yang, pati ko nna shapro kau ra ai.

　　№24 Asat tara galang mi shut yang tara nambat ndai dodan ai dinghkat lahkang lahkong lahta(Lahkong)du ai ni hpe go, ari jo shadang loi li nak ai tara dinghkat ko hkan nna lajang na.

　　Tara dinghkat langai hta dodan ai asat tara shut lakung lama ni gaga tara dinghkat ko dodan ai asat tara shut lam hta wa rong lom jang, laksan dodan hte mayu na dodan nbung hkat ai rai yang, laksan dodan mai lang ai.

　　№25Marailahkong lahtade(Marai lahkong)ni dingsang asat tara shut ai rai yang, ningbo tai wa ni hpe go, linak ai hku ari jo na, tara nambat ndai hta gaga hku dodan ai hpe ntsun ai. Gaga masha ni hpe go, asat tara jom shut ai ai hta shi galo ai bungli hte shi hkamla ra ai lit hta hkan nna, gaga di ari jo na.

　　Ja gumhpro hte seng nna asat tara jom shut ai ni hpe go, madu lu la ai gumhpro hte shi a galo ai mu hpe yu nna, gaga ga di ari jo na. Asat tara shut ai wahpung na ningbo ni hpe go, wahpung hku sut ai gumhpro shadang ko yu nna aro jo na. Gaga asat tara jom shut ai ningbo masha ni hpe go, masa laja jang, jom shut ai gumhpro shadang ko hkan nna ari jo na.

　　Masha wa hpe jashut nna asat tara shut shangun ai hpa go, asat tara jom shut ai hta galo ai bungli ko hkan nna pati asat tara lit hkan jep shateng ari jo na.

　　№26 Pati hpongchyom woion rungdap ni pati asat tara shut bungli galo lam dodan shing nrai gaga pati asat tara shut mu galo yang, dingsang jom galo ai masha ni hpe go, asat tara jom shut ai hku nna lajang na. N sadi nna asat tara shut ai masha ni hpe go, wahpung hta madu galo shut ai bungli hte madu lit la ra ai manghkang ni hta hkan nna ari jo na.