Pati a buga tsang shagu mungchying sha gasa zuphpong gaba hte lawu tsang mungchying sha gasa zuphpong gaba ko na ra lata hta, la ma pati hpung tara tot lai ai masa nga jang, lahta tsang na salang rapdo ni jep jahkrup yu ai hpang, ra lata n son mat ai hte gaga ladat la shapro na lam dodan shapro ai hte rau, lahta tsang pati a salang rapdo de shon nna hkro ya jang, hkrak hko shabra hkan sa wa ra ai.

　　Pati a tsang shagu mung chying sha gasa zuphpong gaba gasa go ten gadi htung lang ai.

　　№12 Pati a ginjo hte buga tsang shagu pati rapo ni go ra ang ai rai jang gasa zuphpong gaba hpo hpong nna, aban gan hparan kau ra ai ahkyak manghkang gaba ni dinglun dodan ra ai.Mungchying sha gasa zuphpong gaba gasa lata shapro ladat go, mungchying sha gasa zuphpong gaba na salang rapdo ko nna dodan na.

　　№13 Pati a hpongchyom ningnan go sharot, shing nrai pati ai amyi na hpongchyom jahpyak kau na rai yang, lahta tsang pati hpongchyom ni ko nna dodan ra ai.

　　Pati a buga tsang shagu mungchying sha gasa zuphpong gaba hte lawu tsang mungchying sha gasa zuphpong gaba ni zuphpong nhpo hpong ai laman hta, lahta tsang pati a hpongchyom ni yu yang ra ai rai jang, lawu tsang pati hpongchyom lit gun masha htot sit shing nrai hprai dat ra ai.

　　Pati a ginjo hte buga tsang shagu salang rapdo ko na gasa rungdap hprai shapro mai ai.

　　Pati a ginjo hte mungdo gaba, madu uphkang ginra, teng tok gon hkang myu salang rapdo hkan yu hkom htung hkan sa wa ai.

　　№14 Pati a tsang shagu woi on rungdap ni go, arau tsang hte lawu tsang hpongchyom ni a seng ang manghkang lam dodan ya ai shaloi, mayu e go, lawu tsang hpongchyom ni a myit lu lam hpe san laman rai yu ra ai. Lawu tsang hpongchyom ni shanhte a mu htam ahko ahkang lang hkrat wa na hpe ama hkam ya ra ai.Lawu tsang pati hpong chyom ni ko nna hparan la ra ai manghkang ni hpe go, gaga alak re n rai jang, lahta tsang woi on rung dap ni n mai sa jep hpre galo lom ai.

　　№15 Mungdan ting hte seng ai ahkyak gaba tara mangkang ni hpe go, pati ginjo ko nna chyu sha dodan na ahko ahkang lu ai, rungdap shagu buga shagu na pati hpongchyom ni ginjo de tsun shon lam mai shana ai, rai yang madu ko nna dodan shapro ai hte shinggan de myit ai hku galo na lam tsun shapro n mai rai ai.

　　Pati a lawu tsang hpongchyom ni go lahta tsang hpongchyom a dodan lam hkan shatup sa wa ra ai. Lawu tsang hpong chyom ni go lama lahta tsang hpongchyom ni a dodan lam madu shara, madu rungdap na masa ni hte n kai ai rai jang, lai kau na hku mai hpyi shon ai. Lama lahta tsang hpongchyom ni ami na dodan hpe, lawu tsang hpongchyom ko nna hkan nan hkan sa wa ra ai hte rau, madu a myit lu lam ni hpe dan leng ai hku bai n mai tsun shapro re rai jang, grau tso ai lahtang tsang hpongchyom de tang shana ra ai.

　　Pati a tsang shagu hpongchyom ni a shi laika hkum hpa laika hte gaga hko shabra hkingrai ni go, pati a lam yan, tara maka, tara hte ga makyit ni hko shabra hkrat wa ra ai.

　　№16 Pati hpongchyom ni manghkang dinglun dodan ai shaloi, yom ai ni lo ai ni ko hkan ai tara maka hkan ra ai. Ahkyak manghkang dodan ai shaloi, ta sharot dodan ladat hkan ra ai. Jahpan yom ai masha ni a n bung ai myit lu lam ni hpe go, atsom maram ya yu ra ai. Lama ahkyak manghkang gaba dangrang hkat jang, lahkong maga na masha jahpan ganoi maren re rai jang, kyin dut ai masa hta masha lo ai ni tsun ai ko hkan ai ko lai nna, dodan lam gan jahkring ton kau ra ai, atsom bai jep dinglik yu nna, jom dup yu rai nhtom, galang bai ta sharot dodan na. Alak re masa hta go, dangrang hkat ai lam ni hpe lahta tsang hpongchyom de tang shana nna, dodan shapro shangun ra ai.

　　Pati masha madu hkrai pati hpongchyom a hkum malai hku nna ahkyak myit lu lam hko shabra yang, lama pati hpongchyom dodan shingwang hta lai ai rai jang, shi nga shara na pati hpongchyom de ap ya nna dinglun dodan shangun shing nrai lahta tsang pati phongchyom de shon shana ra ai. Ganing re pati masha ni mi rai rai aya tso n tso n nga ai, madu hkrai ahkyak manghkang gaba n mai dodan ai. Lama kyin dut masa hte hkrum gatut ai rai nna, madu hkrai dodan la shapro na rai yang, mu ngut kre ai hpang lawan ladan rai nna lahta tsang pati hpongchyom de tang shana ra ai. Ganing re ningbo masha mi rai rai madu hkrai dodan n mai la shapro,madu hkrai hpongchyom a ntsa e n mai mara ai.

　　№17 Pati a ginjo, buga hte lawu tsang hpongchyom ni go, pati a go maden mu hpe yu ahyak la ra ai, tut nong e pati a hko shabra mu, sharin shapan mu, zuphpo mu, asat tara jep mu, shawa mu galo mu, zai nyan gon ginhkyom mu hpe jom dinglun hkan jep yu nna, pati gata shinggan na myit jasat mung masa lam ni hpe jep dinglik yu ra ai.