Do gaba mali Pati a buga hpongchyom

　　№24 Pati a mungdo gaba, madu uphkang mungdo, tengtok gonhkang myu na mung chying sha gasa zuphpong gaba, lok masat ai myu hte madu uphkang mungdo na mung chying sha gasa zuphpong gaba, ginwang (Donghkon), madu uphkang ginwang, lok n masat ai myu hte myu gon hkang shara na mungchying sha gasa zuphpong gaba ni go, manga ning du jang zuphpong galang hpo hpong ra ai.

　　Pati a buga na tsang shagu mungchying sha gasa zuphpong gaba go atsang bung ai pati a salang rapdo ko na shaga gahkyin hpo ai re. Alak re masa hta go, lahta tsang salang rapdo ko nna hkro ya jang, shong hpo shing nrai ten sharen hpo mai ai.

　　Pati a buga tsang shagu mungchying sha gasa zuphpong gaba gsa ni mying jahpan hte ra lata ladat go, tsang bung ai pati a salang rapdo ko nna dodan nhtom, lahta tsang na pati a salang rapdo de shalai dat ya nna hkro ya shangun ya shangun ra ai.

　　№25 Pati a buga tsang shagu mungchying sha gasa zuphpong gaba ni a ahko ahkang go:

　　1.Atsang bung ai salang rapdo ni a tang shana madat mara ai hte jep yu.

　　2.Atsang bung ai asat tara salang rapdo ni a tang shana madat mara ai hte jep yu.

　　3.Madu ginra shingwang gata na ahkyak gaba manghkang ni hpe dinglun yu nna ga makyit galo da.

　　4.Atsang bung ai pati a salang rapdo lata shapro, atsang bung ai pati a asat tara salang rapdo lata sharpo.

　　№26 Pati a mungdo gaba, madu uphkang mungdo, teng tok gon hkang myu, lok masat ai myu hte madu uphkang mungdo na salang rapdo ni, lado mi hta lit gun ten go manga ning re. Salang rapdo ndai ni ko na salang hte malom salang ni pati asak go manga ning a lahta de rai ra ai.

　　Pati a ginwang(Donghkon), madu uphkang ginwang, lok n masat ai myu hte myu uphkang ginra na salang rapdo ni go lado mi hta lut gun ai aten go manga ning re. Ndai salang rapdo na salang ni hte malom salang ni go masum ning a lahta de du ai pati asak lu ra ai.

　　Pati a buga tsang shagu mungchying sha gasa zuphpong gaba ni lama zuphpong shong hpo shing nrai hpang jahkrat hpo ai rai yang, shi lata shapro ai salang ni a lado lit gun aten mung grai galai ra ai.

　　Pati a buga tsang shagu salang rapdo na salang hte shingnan salang ni a myin jahpan go, gaga ga rai nna lahta tsang salang rapdo ko nna dodna na.Pati a buga tsang shagu salang rapdo salang yom mat sa yi nga jan g, shingnan salang ni ni ko nna amat lo ai ko hka nna la yu wa nna jat bang la na.

　　Pati a buga tsang shagu salang rapdo hkrum ra zuphpong go, laning mi hta grit htum lahkong lang hpo hpong ra ai.

　　Pati a buga atsang shagu salang rapdo ni go mungchying sha gasa zuphpong n hpo ai ten laman hta, lahta tsang pati hpongchyom ni a madun matsun hte atsang bung ai pati mungchying sha gasa zuphpong ni a ga makyt hkan shatup sa wa, madu buga na mu bungli ni woi on galo sa wa rai nna, aten gadi ton nna lahta tsang na pati a salang rapdo de mu bungli tang shana hkrat wa ai re.

　　№27 Pati a buga tsang shagu salang rapdo hkumra zuphpong ko nna, dinggrin salang rapdo hte mu madu, mu madu ningtau lata shapro nna, lahta tsang pati a salang rapdo de tang shana nna hkro ya shangun ai re. Pati a buga tsang shagu salang rapdo na dinggrin salang rapdo ni go, salang rapdo ni a hkum ra zuphpong n hpo hpong ai laman hta, salang rapdo ahko ahkang manat hkrat wa ai. Lawu lado mungchying sha gasa zuphpong hpo hpong laman hta, ta tut mu bungli dingyang aju jum galo nhtom, ningnan ai dinggrin mu gun salang rapdo byin pru ai shaloi du hkra rai na.

　　Pati a buga tsang shagu salang rapdo na dinggrin salang rapdo ni aten gadi ton nna salang rapdo hkum ra zuphpong hpang de mu bungli tang shana nna, tek yu ai hkam sha ai.

　　№28 Pati a ginra salang rapdo hte ginra salang rapdo hte bung ai hpongchyom ni go, mungdo gaba, madu uphkang ginra salang rapdo ni ginwang, madu uphkang ginwang, myu re mai wang de hprai shapro dat ai gasa rungdap ni rai nga ai Shi go mungdo gaba, madu uphkang rinra salang rapdo ni ko nna ahk aya jo nna, dai shara ni hta woi on mu galo ai re.