Do gaba kru Pati a ganbu masha

　　№33 Pati a ganbu masha ni go pati magam mu galo ai ningshong ningla re, mung chying sha ni a shawa mu galo hpundu re.Pati ko nna sari sadang rong hpaji kup, sadang hpe shong yu ai tara maka hte ganbu masha lata hkrat wa, shara magup na hpaji kunggat ai masha shaja, jinghku jing yu ni hpe tam la ai hpe ninghkap rai nna, n-gun atsam dat let ganbu masha wahpung a gumlan ai, sak gaji ai, hpaji rong ai, laksan hpaji lu ai masa shabyin shatai dat na.

　　Pati ko nna ganbu masha ni hpe sharin shapan, shakyang shalik, san jep yu ai lam hpe yu ahkyak la ai, grau nna go sak gaji ai ningshong sho ganbu masha ni hpe shakyang shalik,lata ai rai sai.Kyet shop ai hte ganbu masha htung gram galai mu hpe shatsong hkrat wa ai.

　　Shayi naum ganbu masha hte nlo amyu ganbu masha shakyang shalik, lata lang mu hpe yu ahkyak la ai.

　　№34 Pati a tsang shagu ningbo ganbu masha ni go kasi kanan madun ai hku nna ndai pati hpung tara №3 hta dodan ai pati masha ni a myu shagu alit hkan shatup sa wa ra ai hta n-ga, lawu de na lakung lama ni mung no lu ra ai:

　　1. Lit gun hpai hkrat wa ai hta ra ai Ma Hke Si Le Lin masa, Mau Zhe Tung myi jasat, Din Shau Hpyin tara gamung madang tso, kyet shop ai hte “Lam masum myit masa mungga” ahkyak myit jasat hkan shatup, logadat hpaji myit jasat woi hkan shatup hkrat wa, shakut shaja let Ma Hke Si masa a tsap ginra, myit jasat, ladat hte mabyin manghkang maram hparan sa wa, shasrin achyin lam tsun, mung masa lam tsun, dinghpring lam tsun dingyan, myu shagu re nbung laru hpe hkam sha lu rai ra ai.

　　2.Suthpom masa galu gaba myit saku lam hte Miwa mug alak nsam rong ai hpong shingra masa da-krin myit rong, pati a lam yan madung hte myu shagu tara maka, tara teng teng hkan shatup sa wa,grai galai hpaga lam hpo mu galo, prat dep go maden lam hta n-gun atsam dat,hpong shingra masa go maden hkrat wa ai hta bupa let shalat bungli htam galo, teng man ai mung masa nsi galo shapro myit jasat lang, hkan galo mai ai, mungchying sha, labau hta lai lu ai akyu nsi galo shapro lu.

　　3.Myit jasat lai, teng teng tup tup, prat masa ko hkan sa, majen je nnan shalat, atsom jep dinglik rai, pati a tara maka, tara hpe madu ginra, madu rungdap na mabyin masa hte shakai lang hkrat wa lu, nsi ningli pru hkra bungli htam, ta teng tsun,mu gaja galo, nsi pru a hpe shachyut, ntsa lam masa hpe ninghkap.

　　4.Gumlan mu bungli myit hte mung masa lit gun hpai myit rong, hkum hkrm machyim lu, woion bungli galo atsam, laika hpaji hte laksan machye machyang hpaji lu.

　　5.Mungchying sha ni ap ya ai ahko ahkang hpe dingman ai hku lang hkrat wa, tara maka lang, ubadi hte mu hparan, uphkang myit san seng ding man, mung chying sha ni matu uphkang bungli galo shaja, kasi tai, pa ba hkam sha let n n shakya shareng,shawa masha ni hte makyit mahkai htinglet shaja, pati shawa lam yan hkan shaja, kyet shop ai hte pati hte shawa masha ni daru sharin ai hte tek yu ai hpe hkam la, sari sadang madang shatso la, pati tara tsun, ron lai gaja, gasi galo dan, madu hkungga la, madu hkrai shadum la, madu hkrai sadi ga jo la, du magam masa hpe ninghkap, myu shagu re ahko ahkang majoi lang, ahko ahkang lang nna madu ai htingkyeng mu hpajang la re n-gaja ai ron lai hpe ninghkap lu ai.

　　6. Pati a gumrong gumtsa gahkyin htung hpe madi shado hkan shatup sa wa, gumrong gumtsa ron lai nga, yong hpe majan ai myit rong, myit rum manang ni hpe myit chye jahkrum, tinang hte myit ai lam n bung ai myit rum manang ni hpe woi myit jahkrum la nna bungli woi galo li ai.

　　№35 Pati masha ni go pati shinggan na ganbu masha ni hte bungli woi galo nna, shanhte hpe hkunggan, shagrit shanyem let shanhte a gaja lam hkan sharin la rai ra ai.

　　Pati a tsang shagu hpongchyom ni pati shinggan na hpaji kung gat ai ganbu masha mu hkrup jang woi on ningbo shatai la nna, shanhte a akyu htam shapro shangun chye ra ai.

　　№36 Pati a tsang shagu ningbo ganbu masha ni go,gumrong gumtsa ra lata shapro la ai mi rai rai, shing nrai woi on rungdap ko nna ningbo lit shagun ai mi rai rai, shanhte gunhpai hkrat wa ai aya go prat tup gun hpai na matu n re, mai galai kau shing nrai mai jahkrat kau ai.

　　Asak hte hkam ja lam a majo bungli ding yang n lu htam galo mat wa jang go, mungdan dodan ko hkan nna mu pru, mu hkring sa mat ra sai.