Na-du ai hku hkyuk dam tara shut ai ginjo salang rapdo salang, shingnan salang ni hpe go ginjo mung masa gon hkang dap ni ko nna pati jahpan shapro kau na hku dodan na hku re. Na-du ai hku hkyuk dam tara shut ai buga tsang shagu salang rapdo na salang, shingnan salang ni hpe go, bung ai atsang salang rapdo dinggrin salang rapdo ko nna pati jahpan shapro kau ya ari jo na hku dodan na hku re.

　　№41 Pati hpongchyom ko nna pati masha hpe ari jo na lam dodan na rai yang, teng teng tup tup rai nna mabyin masa lam jep shateng ra ai. Ari jo dodan sakse laika hkrang ngau hte ari jo dodan laika hpe go masha dai hpe jo yu nna, masha dai tsun shadan hte shon dara ai hpe madat mara ra ai.Lama masha dai ari jo dodan hpe n-gut ai rai jang, hpyi shok ka bang mai ai, seng ang pati hpongchyom ni lit a nna lajang shing nrai lawan wan shagun shalai dat ra ai, n mai dip shingdang ton ya ai.

　　Shut ai myit lu lam hte tsun shanang ai hte tara n lang ai hpyi shon ai hpe go, daru sharin ra ai.

　　№42 Pati hpongchyom ni lama pati a sat tara makop maga ai maga de magam tat jang, hkan jep lajang ai hkrum ra ai.

　　Na-du ai htu pati a asat tara tot lai ai, madu ko nna bai n mai sharai la re pati hpongchyom ni hpe go, lahta tsang pati salang rapdo ni ko nna jep jahkrup yu ai hpang, masa song ai hta hkan nna, hpongchyom grai sharai shing nrai hpongchyom shabra na lam dodan shapro nna, lahta tsang pati a salang radpo de bai tang shana nna hkro ya jang, dodan lam hkan shatup sa wa na hku dodan ra ai.