Do gaba 8 Pati a asat tara jep rung dap

　　№43. Pati a ginjo asat tara jep salang rapdo go pati a ginjo salang rapdo e woion ai gata hta mu bungli htam galo ai re. Pati a buga tsang shagu na asat tara jep salang rapdo hte lawu tsang asat tara jep salang rapdo go rau tsang pati a salang rapdo hte lahta tsang na asat tara jep salang rapdo lahkong maga de nna woion ai gata hta mu bungli htam galo ai re.

　　Pati a tsang shagu asat tara jep salang rapdo a ningdo shagu na mu jum ten go atsang bung ai pati salang rapdo a mu jum ten hte bung ai.

　　Pati a ginjo asat tara jep salang rapdo a hkumra zuphpong hta dinggrin rapdo, mu madu, ningtau mu madu lata ai rai yang, pati a ginjo salang rapdo de tang shana nna hkro ya shangun ra ai. Pati a buga tsang shagu asat tara jep salang rapdo a hkumra zuphpong hta, dinggrin salang rapdo mu madu, ningtau mu madu lata jang, rau tsang pati a salang rapdo hta jom myit hkrum nna, lahta tsang pati a salang rapdo de tang shana nna hkro ya shangun ra ai. Pati a lawa tsang salang rapdo hta asat tara jep salang rapdo masan da na kun, bai nna asat rara jep slang masan da na kun ngu ai lam hpe go, shi a lahta tsang pati hpongchyom ko nna masa hta hkan nna dodan na. Pati a dapkying ganu salang rapdo hte dap kying salang rapdo hta asat tara jep salang rapdo go sharot na.

　　Pati a ginjo asat tara jep salang rapdo ni go bungli hta ra ai ko hkan ht nna, ginjo tsang langai pati hte mungdan asuya rung dap de pati a asat tara jep hpung hte asat tara jep masha mai hprai dang dat ai. Asat tara jep hpung ningbo shing n rai asat tara jep masha ni go dai rung dap na pati a woion hpongchyom woi hpo ai seng ang zuphpong hta sa du dung lom mai ai. Shanhte a bungli go dai rungdap pati a woion hpongchyom ko nna madi shado ai hkrum ra ai.

　　44. Pati a tsang shagu asat tara jep salang rapdo na lit madung go: Pati a hpung tara hte pati a gaga tara masa hpe makop mag, pati a lam yan, madun tara hte ga makyit hkan galo shatup sa wa ai lam hkan jep, mu lam hta na galo shatup lam hpe jep. Pati salang rapdo pati a ronlai shakang shaja lam hte myit masat hten run gasat manga lam hta garum shingtau kom na.

　　Tsang shagu asat tara jep salang rapdo ni go tut nong e pati mash ani hpe asat tara hkan sa na lam sharin shapan, pati asat tara makop lam dodan shapro rai ra ai. Pati hponghyom hte hte pati masha ni pati a pati hpung tara hte gaga pati hpung gata na tara masa tot lai ai loi song ai shing nrai shut shanut ai zang mu ni hpe jep jahkrup lajang sa wa. Pati masha ningboi ganbu masha ahko ahkang hkan lang wa sa ai lam tek jep. Zang mu nkau hta na pati masha ni hpe ari jo ai lam dodan shing nrai hprat kau ya. Pati hpung masha shok shana hte hpyi shok lam hkap lajang. Pati masha ni ahko ahkang hpe ama hkam ya re.

　　Tsang shagu na asat tara jep salang rapdo go gaga lai ahkyak shing n rai shuk shanut ai zang mu hparan ai nsi hpe ,arau tsang na pati salang rapdo de dang shana ra ai. Pati a buga tsang shagu asat tara jep salang rapdo hte lawu tsang asat tara jep salang rapdo go lahta tsang na asat tara jep salang rapdo de arau tang shana ra ai.

　　Tsang shagu na asat tara jep salang rapdo ni go rau tsang pati salang rapdo na salang ni pati a tara tot lai ai lai mu chye jang, nnan do shong mai jep jahkrup sa wa ai, la-ma zang mu masing jep ra jang go, rau tsang pati a salang rapdo de tang shana nna hkro ya shanun ra ai, dinggrin rapdo salang hte seng jang go, rau tsang pati a salang rapdo de shong shon shana ai hpang lahta tsang asat tara jep salang rapdo de tang shana nna hkro ya shangun ra ai.

　　№45. Lahta tsang asat tara jep salang rapdo ni go lawu tsang asat tara jep salang rapdo a bungli galo lam jep na ahko ahkang lu ai hta n-ga, lawu tsang ni a asat tara jep salang rapdo zang mu jep ai hte dodan lam hkro ya ai hte lai kau ya na ahko ahkang lu ai. La-ma dai lawu tsang asat tara jep salang rapdo ni a dodan lam galai kau ya ra ai rai jang, shi a rau tsang pati a salang rapdo ni ko na hkro ya sa yi nga jang go, ning re galai kau ai lam hpe shi a lahta tsang pati a salang rapdo ko nna hkro ya ra ai.