Do gaba 9 Pati hpung hpongchyom

　　№46. Ginjo hte buga mungdan rung dap, mung chying sha mazum hpung, ja sutgan hpongchyom, kunghpan maka hpongchyom hte gaga pati hpongchyom n re ai woion rung dap hta, pati hpung hpongchyom mai go sharot ai. Pati hpung hpongchyom go woion akyu shapro na. Pati hpung hpongchyom a magam lit madung go, pati a lam yan, madun tara hpe hkan shatup hkrat wa. Madu rung dap na ahkyak manghkang lam dinglun dodan. Gnbu masha gon hkang mu galo gaja. Pati masha n re ai ganbu masha hte shawa masha ni hpe myit woi jahkrum la nna, pati hte mungdan e ya ai magam lit ni hpe galo shangut hkrat wa na. Rung dap hte tengtok gon hkang rung dap pati hpongchyom a bungli woi madun matsun galo hkrat wa na.

　　№47. Pati hpongchyom na masha ni go, pati hpongchyom go sharot shaloi na ahkang jo ai pati hpung ko nna dodan ai re. Pati hpung hpongchyom hta ko mu madu masan da ra ai, ra rai rai jang mu madu ningdau mung mai masan da ai.

　　Pati hpongchyom ni go ahkang jo nna shi hpe go sharot ton ai pati hpongchyom woion ai ko hkan ra ai.

　　№48. Lawu tsang rungdap hpe gahkyin ginhkyom gon hkang ai mungdan muhtam rung dap hta pati salang rapdo mai go sharot da ai, pati salang rapdo go sharot na ladat, ahko ahkang hte magam lit ni hpe go, ginjo ko nna laksan dodan da ai re.

　　Do gaba 10 Pati hte suthpom masa ramma hpung a seng hkrat lam

　　№49. Miwa mung suthpom masa ramma hpung go Miwa mung suphpom pati e woion ai ningshong sho ai ramma ni a shawa hpongchyom re, lo htam ai ramma ni bungli galo hkrat wa ai lam hta Miwa mung laksan nsam rong ai hpong shingra masa hte suthpom masa hpaji sharing la ai jong re, pati a ningtau hte hpa latu n-gun re. Suthom masa ramma hpung a ginjo salang rapdo hpe go pati a ginjo salang rapdo ko nna woion hkrat wa ai re. Suthpom msa ram ma hpoung a tsang shagu hpongchyom ni go rau tsang pati salang rapdo woion ai hkrum hte rau, suthpom masa rap ma hpung lahta tsang hpong chyom ni woi on ai hkrum nga ai.

　　№50. Tsang shagu pati a salang rapdo ni go suthpom masa ramma hpung hpe woion shaja hkrat wa ai hte rau, suthpom masa ramma hpung na ganbu lata shakyang shalik mu galo shaja sa wa ra ai. Pati ko nna lo htam ai suthpom masa ramma hpung ni a lailen hte ningra lam hta hkan nna, azet atsang rai, ningnan shalat bungli ni htam galo sa wa ai hpe da-kring da-lang rai madi shado sa wa nna, shanhte a laram larau hpung akyu hte lo htam ai ramma ni hte matut mahkai ai akyu htam shapro shangun na.

　　Suthpom masa ramma hpung a ginwang tsang hte ginwang tsang lawu de na tsang shagu salang rapdo a mu madu, sutgan magam dap hte ningsang magam dap na sut hpom masa ramma hpung salang rapdo mu madun go, pati masha rai yang, rau tsang na pati a salang rapdo hte dinggrin salang rapdo salang ni a zuphpong hta sa du dung lom mai sai.

　　Do gaba 11 Pati dazik hte pati donghkon

　　№51. Miwa mung suphpom pati a pati dazik go ningshau hte sumdu hpe shingrau ton a hkrang sumla re.

　　№52. Miwa mung suphpom pati a pati donghkon go donghkon man hta ja htoi nsam pati dazik hkrang sumla shakpa ai donghkon hkye re.

　　№53. Miwa mung suphpom pati a pati dazik hte pati donghkon go Miwa mung suthpom pati a masat kumla re. Tsang shagu pati hpongchyom hte hkum shagu pati masha ni yong go pati dazik hte pati donghkon a hpung shingkang hpe makop maga ra ai. Dodan masat ai ko hkan nna pati dazik hte pati donghkon hpe galo ai hte lang hkrat wa ra ai.