Gale ai Htu Lung

　　Miwa mung suthpom pati ginjo《Miwa mung suthpom pati dingman tara hkan sa na tara》dip shabra ai hte seng ai shana shabra

　　Mungdo gaba shagu, madu uphkang mungdo shagu, tengtok gonhkang myu shagu na suthpom pati rapdo, ginjo rung rapdo shagu, mungdan rungdap na rungdap shagu pati hpung(pati rapdo), gaifanggyin hpyen dapnu shagu, rungdap gaba shagu na pati rapdo, mungchying sha hpongchyom shagu na pati hpung ni:

　　2010 ning shata 1 gaang do hta Miwa mung suthpom pati ginjo ko nna dip shapro ai 《Miwa mung suthpom pati masha ningbo ganbu masha dingman tara sa na tara ni》go, suthpom pati ganbu ningbo masha ni myit san seng ai hte mung masa gon hkang shadut dat na lam hta akyu gaba galo shapro dat sai. Pati a nambat 18 lang mung chying sha gasa zuphpong gaba ko nna rai wa yang, ja ai tara hte pati hpe gon hkang hkrat wa sai hte maren, hkan na tara ndai go ja ai tara hte pati gon hkang hkrat wa na matu n lom n pot rai mat sai, shing rai suthpom pati ginjo ko nna galo gram sharai la na hku dodan sai. Ya gram sharai la ai 《Miwa mung suthpom pati dingman tara hkan sa na tara》(Lawu de 《Hkan tara》 ngu na) nanhte hpe dip shabra dat ya na, atsom hkan sharin hkrat wa ga.

　　《Hkan tara》go pati a nambat 18 lang mungchying sha gasa zuphpong gaba hte ningdo 18 ginjo salang rapdo nambat 3 lang hkum ra zhuphpong, nambat 4 lang hkum ra zuphpong lachyum hkan shatup hkrat wa nna, tara hte pati gonhkang gaja ai ronlai hte pati gonhkang hkrat wa nna, myit san seng tara hkan lam ko manoi manat, pati a myit shingyo madung bandung, gaja ai hkringhtong ronlai hpe bai gahtap tsun alun shapro, gaja ai ronlai lang hkrat wa na hpe madung dat re go, suthpom pati mungdan uphkang wa ai ko nna rai wa yang dingman ai hku matsun madun, pati hpung ting na pati masha ni hpe hkra ai pati masha ni myit san seng lam hkom hkrat wa na npot nhpang tara masa re, pati hpung tara nambat shadan shaleng hkrat wa, tara shaja nna pati gon hkang hkrat wa ai nsi ni hpe shadan dan, pati masha hte pati masha ningbo ganbu hpe mu mada, hkan sa lu ai tso shadang sharot ton ya, suthpom pati masha ni a gaja ai ronlai madun dan rai nna, pati ronlai gaja dingman tara hkan na lam go maden hkrat wa na hte mo lu mo sha re hpe ninghkap hkrat wa, pati gata hta tek jep mu galo shaja hkrat wa, pati prat dingsa nignshong sho san seng nga na matu, mana maka ahkyak ai lachyum rong nga ai.

　　T sang shagu pati hpongchyom ni ja ai tara hte pati gonhkang hkrat wa na lit gun hpai hkrat wa nna,《Hkan tara》sharin shapan hko shabra, hkan shatup mu galo shaja nna, lam shagu lajin lam hpe pati masha ma hkra grau nna go pati ningbo ganbu ni a sindai hta matsing bang ton da shangun na. Tsang shagu pati ningbo ganbu ni kasi kanan galo dan nna, grau tso grau ja ai lajin hte, myit san seng lam woi hkan shatup hkrat wa ra ai. Lo htam ai pati masha ni pati a tara hpe atsom sharin achyin, pati a gaja ai hkringhtong ron lai dinglang matut manoi manat nna, dingman tara hkan sa na hpe myit masin hta bang da nna, madu nan hkan shatup sa wa, myit shingyo madung bandung ko manoi tik tik rai nna, prat dingsa suthpom pati masha a sanseng myit hte dingman tara hkan shatup ai ron lai dagro hkrat wa na.

　　《Hkan tara》ndai go 2016 ning shata 1 pro 1 ya shani ko nna lang hpang wa sana, 《Miwa mung suthpom pati ningbo ganbu masha dingman ai hte pati gonhkang na tara ni》hpe hprat kau sana.

　　Ginra shagu rungdap shagu ni 《Hkan tara》hkan shatup lang hkrat wa ai lam ko na ahkyak masa hte shon lajin lam ni hpe go, aten hte hkrak rai nna suthpom pati ginjo de tang shon shana dat ra ai.

　　Miwa mung suthpom pati ginjo

　　2015 ning shata 10 nhtoi 18 ya

　　Miwa mung suthpom pati dingman tara hkan sa na tara

　　Miwa mung suthpom pati pati masha yong hte tsang shagu pati masha ningbo ganbu ni suthpom masa shingyo myit hte Miwa mung alak nsam rong ai hpong shingra masa myit da-ting gun ton ra ai, Myit masin ma hkra hte mung shawa masha ni hpe akyu htam jo na madung bandung majing hkan manoi hkrat wa ra ai, madu ko nna gaja ai ronlai lang, Miwa gumsan mungdan amyu hkringhtong ron lai gaja hko shabra shachyam shakut shaja, dingman tara hkan, tek jep hkam sha rai, prat tup ningshong sho ai myit san seng ai pati masha tai nga ra ai.

　　Pati masha dingman tara hkan kasi lailen

　　№1 Shawa hte madu a garan hpaga, shawa a shong nna madu a hpang jahkrat, madu a myit marin myit hpe ton kau nna, shawa a matu myit.

　　№2 Dingman lam hkom mo lu mo sha hpe ninghkap, myit san seng let pra, san san seng seng rai bungli htam.

　　№3 Awa aga nrai, puba hkam let n shakya ai sha, shakut sharam let dinghku de.

　　№4 Shong shakut shaja nna, hpang de nga ngui nga pyo lam hkam sha, alu sak jo kam.

　　Suthpom pati ningbo ganbu masha dingman tara hkan kasi lailen

　　№5 Dingman ai hte asuya bungli htam, madu a myit de nna shawa a matu akyu htam galo.

　　№6 Dingman ai hte ahko ahkang lang, madu myit de nna shawa a ahko ahkang makop maga.

　　№7 Dingman myit sharot, madu a myit de nna myit sari sharot la.

　　№8 Dingman ai hte dinghku ginlom, madu myit de nna dinghku gaja de.