Miwa mung suthpom pati asat tara ari jo tara nambat

　　Do gaba langai Dinghkung tara maka

　　Do gaji langai Madun myit jasat, tara maka hte lang mai shingwang

　　№1 Pati hpung tara hte pati gata na gaga tara masa ni hpe makop maga, pati a asat tara shaja, pati hpong chyom jasan jaseng, pati masha ni a gumrong gumtsa ahko ahkang ama hkam ya, pati masha ni asat tara ubadi hkan na matu sharin matsun, pati a myit hkrum gumdin ginhkyom lam hpe makop maga, pati a lam yan, tara maka, tara, dodan hte mungdan a ubadi tara masa hkan lang shatup sa wa na hpe ama hkam lu na matu, 《Miwa mung suthpom pati hpung tara》ko hkan nna, tara nambat ndai galo masat da ai re.

　　№2 Tara nambat ndai go Ma Hke Si Le Lin masa, Mau Zhe Tung myit jasat, Din Shau Hpyin tara gamung,“Lam masum myit masa mungga”, Logadat hpaji sharot zinghka myit jasat hpe wan shanan shatai, dinghkung mu madu Si Gyin Hpyin a ga shaga lachyum majing ni hkan shatup, ja ai tara hte pati gonhkang mu galo shagreng hkrat wa na.

　　№3 Pati hpung tara go pati gata na tara masa ajet re, pati gonhkang, pati lajang ai tara masa ajet re. Pati a asat tara go pati a tsang shagu hpongchyom hte pati hpung masha ni yong hkan sa ra ai htung masa re. Pati hpongchyom hte pati masha ni madu hku de nna pati hpung tara hkan sa wa ra ai.

　　№4 Pati ai asat tara shut ari jo mu galo hkrat wa yang lawu de na tara maka hkan ra ai:

　　1.Pati hte pati gon, tara ja ai hte gon lajang ra ai.Pati a myu shagu hpongchyom hte pati hpung masha ni yong hpe sharin shapan, gon lajang tek jep shaja hkrat wa, asat tara hpe nhtung dat, jau ko nna magra, gaji ai ko magra rai ra ai.

　　2.Pati asat tara a man hta yong yong rap ra ai. Pati asat tara shut ai pati hpongchyom hte pati masha ni hpe tara ja, rap ra ai hku lajang hkrat wa ra ai, pati gata hta asat tara n hkan ai pati hpongchyom hte pati masha n mai jahkran nga shangun ai.

　　3.Teng man maju jung.Pati hpongchyom hte pati masha ni asat tara shut jang, masa ko yu nna, pati hpung tara, pati gatra na gaga tara masa ni ko mahta nna, asrat tara shut shatang shateng nhtom, nbung ai masa ko hkan nna, ari jo na.

　　4.Gumrong gumtsa gahkyin alun htung. Pati asat tara aro jo na rai yang, dodan ko hkan nna yong jom dinglun ra ai, madu hkrai sha shing nrai marai lahkong masum ni sha jom tsun gadum la nna dodan ahkang jo n mai rai ai. Lahta tsang pati hpongchyom ko nna pati hpongchyom shing nrai pati masha ni hpe pati asat tara shut ai majo ari jo na hku dodan ai rai yang, lawu tsang pati hpongchyom ni hkan galo shatup ra ai.

　　5. Htom de n shut na matu shong na mara hpe jeyang, ana tsi shamai nna masha hkye.Pati asat tara shut ai pati hpongchyom hte pati masha ni hpe ari jo lajang hkrat wa na rai yang, ari jo ai hte sharin shaga ai gapyon lang nna, ari jo myit shapyo ya rai ra ai.

　　№5 Tara nambat ndai go pati asat tara shut nna ari jo lajang hkrum ra ai pati hpongchyom hte pati masha ni hte htuk ai.