Do gaji matsat Dingman asat tara tot lai ai hpe ari jo ai lam

　　№80 Ahko ahkang hte aya shingkang hte masha ni hpe akyu ara tam ya, madu a ningrum ningtau, gashu gasha hte shanhte ningrum ningtau re nta masha hte shanhte a alak re seng hkat masha ni go masha ni sa jo ai ja gumhpro rungrai hkap la ai rai yang, masa loi song ai hpe go, sadi ga jo shing nrai na-du sadi ga jo ari jo na. Masa na-du ai hpe go, pati hpung gata na aya dom kau ya, pati n shapro kau ai yu maram shing nrai pati jahpan shapro kau ai ari jo na.

　　№81 Ahko ahkang shing nrai du aya a shingkang jom shingrau lang hkat nna manang wa ningrum ningtau, gashu gasha hte shanhte a ningrum ningtau re nta masha, madu a makau na mu htam masha hte shanhte a alak re seng hkat masha ni hpe akyu ara tam ya ai ahko ahkang jom galai hkat ai hpe go, sadi ga jo shing nrai na-du sadi ga jo ari jo na. Masa loi song ai hpe go, pati hpung gata na aya dom kau ya shing nrai pati n shapro kau ai yu maram ari jo na. Masa na-du ai hpe go, pati jahpan shapro kau ai ari jo na.

　　№82 Tinang a ningrum ningtau, gashu gasha hte shanhte a ningrum ningtau re nta masha hte madu a makau na mu htam masha ni pati masha ganbu masha ni madu ai ahko ahkang shing nrai du aya ko na shingkang hte madu ai a matu akyu ara lam ai hpe ra mi galo shangun, myit dei nna myit hkrum lom re rai yang, masa nau n song ai hpe go, sadi ga jo shing nrai na-du sadi ga jo ari jo na. Masa loi song ai hpe go, pati hpung gata na aya dom kau ya shing rai pati n shapro kau ai yu maram ari jo na. Masa na-du ai hpe go, pati jahpan shapro kau ai ari jo na.

　　Pati masha ganbu ni ningrum ningtau, gashu gasha hte shanhte a ningrum ningtau hpa bungli n galo shabrai la sha shing nrai bungli galo go galo nna shadang lai nna shabrai la sha rai yang, pati masha ganbu ni masa lam chye nga nna n hkan galo sharai ya ai hpe go, lahta de na dodan hta hkan nna lajang nga.

　　№83 Dingman ai hku bungli galo sa wa na hpe chyinghkyik hkra ai kumhpa, gumhpro kumkhpa, rai mari lakmat re la ai rai yang, masa nau n song ai hpe go, sadi ga jo shing nrai na-du sadi ga jo ari jo na. Masa loi song ai hpe go, pati hpung gata na aya dom kau ya shing nrai pati n shapro kau ai yu maram ari jo na. Masa na-du ai hpe go, pati jahpan shapro kau ai ari jo na.

　　Gaga mayu na gawan gatsan ai hta gun ai kumhpa hta lo jan ai kumpa, gumhpro kumhpa, rai mari lak mat re la ai rai yang, lahta de na dodan ko hkan nna lajang na.

　　№84 Shawa lit gun hpai nga ai masha hte shanhte a ningrum ningttau gashu gasha hte shanhte ningrum ningtau hte gaga alak seng hkat masha ni hpe mayu mana gawan gatsan ai hta gun ai kumhpa hta lo jan ai kumhpa, gumhpro kumhpa, rai mari lakmat re ya aihpe go, masa loi laja ai rai jang, sadi ga jo shing nrai na-du sadi ga jo ai ari jo na. Masa na-du ai rai jang, pati hpung gata na aya dom kau ya shing nrai pati n shapro kau ai yu maram ari jo na.

　　№85 Ahko ahkang hte du aya shingkang lang nna sipoi hkungran gabu pyo poi galo nna, hpong shingra hta n htukm n-gaja ai lam shapro dat ai hpe go, sadi ga jo shing nrai na-du sadi ga jo ai ari jo na. Masa na-du ai hpe go pati hpung gata na aya dom kau ya ai ari jo na.

　　Sipoi hkungran poi gabu pyo poi galo ai hta, gumhro kumhpa magon la shing nrai gaga mungdan, shawa hte mungchying sha ni a akyu ara hpe shanyen hkra ai lai len hpe go, lahta de na dodan hta hkan nna na-du ai hku shing nrai grau na-du ai hku ari jo lajang nhtom, pati jahpan shapro kau ai ku du hkra rai na.

　　№86 Shwa mu lit gun hpai hkrat wa ai hta chyinghkyik hkra wa ai shat sha do jo shing nrai bu hkom, hkum hkrang shakyang shalik, pyo chyai re lamang ni hprai ya ai hkam la ai rai yang, masa loi song ai hpe go, sadi ga jo shing nrai na-du sadi ga jo ai ari jo na. Masa na-du ai hpe go, pati hpung gata na aya dom kau ya shing nrai pati n shapro kau ai yu maram ari jo na.

　　№87 Seng ang dodan tut lai nna hkum hkrang shakyang shalik lakmat, pyo chyai shara hte shangui shapyo shara sa lom masha lakmat, gop bolung lakmat re myu shagu re mari lakmat tam la, lang, shing nrai seng ang dodan tot lai nna htingkyeng masha pyo chyai shara hkan sa shang hkom yang, masa loi song ai hpe go, sadi ga jo shing nrai na-du sadi ga jo ari jo na. Masa na-du ai hpe go, pati hpung gata na aya dom la kau shing nrai pati n shapro kau ai yu maram ai jo na.