Di gaji jahku Shawa asat tara tot lai ai hpe ari jo ai lam

　　№105 Lawu de na masa langai hta wa lom ai rai jang, teng tok lit la masha hte lit gun ningbo ni hpe go, masa nau n song ai rai jang, sadi ga jo shing nrai na-du sadi ga jo ari jo na. Masa loi song ai rai jang, pati hpung gata na aya dom la kau ya shing nrai pati n shapro kau ai yu maram ari jo na. Masa na-du ai hpe go, pati jahpan shapro kau ai ari jo na:

　　1.Shatang lai, shingwang tai nna shawa masha ni hpang de gumhpro lahkon aga so, lang gumhpro hkrai rai nna, shawa masha ni hpe lit shali ai.

　　2.Sengang dodan tot lai nna shawa masha ni gumhpro rungrai shu lu hkyuk la shing nrai shawa masha ni hpe ari jo ai.

　　3.Shawa masha ni a gumhpro rungrai rep di sha, shing nrai seng ang dodan tot lai nna shawa masha ni hpe gumhpro ra ton ai.

　　4.Gon lajang, akyu htam mu hta seng ang dodan tot lai nna gumhpro hta sha ai.

　　5.Shawa hte seng ai mu bungli galo ai shaloi masha masha ni hpe gade mung n jau jau di shayak, hkan sha hkan la shachyat ton hpyi la re.

　　6. Gaga shawa masha a akyu ara jahtan ya ai lam nga ai.

　　№106 Shwa masha ni madu myit ai hku galo dut sha ai ahko hakng hpe hkan je hpre nna, shawa masha ni hpa ja gumhpro sum gaba hkrum shangun ai rai yang, teng tok lit la masha hte lit gun ningbo ni hpe go, sadi ga jo shing nrai na-du sadi ga jo ari jo na. Masa na-du ai hpe go, pati hpung gata na aya dom kau ya shing nrai pati n shparo kau ai yu maram ari jo na.

　　№107 Hpong shingra ama hkam, madi shado gumhpro gumhpro, tsin-yam hkye gumhpro rungrai garan jahtuk sa wa ai mu bungli hta nta masha jinghku jingyu ni hpang de malong dat, rap rai hku n galo du ai hpe go, sadi ga jo shing nrai na-du sadi ga jo ai ari jo na. Masa na-du ai hpe go, pati hpung gata na aya dom kau ya shing nrai pati n shapro kau ai yu maram ari jo na.

　　№108 Lawu de na masa langai hta wa hkra ai rai yang, teng tok lit la masha hte lit gun ningbo ni hpe go, masa loi song ai rai jang, sadi ga jo shing nrai na-du sadi ga jo ari jo na. Masa na-du ai ni hpe go, pati hpung gata na aya dom kau ya shing nrai pati n shapro ai yu maram ari jo na:

　　1.Shawa masha ni mu galo, nga sat nga re akyu ara hte seng ai mang hpang ni hpe tara hta hkan shing nrai dodan hta hkan nna mai hparan ai rai yang aban n hparan ya nna, n gaja ai bungli shapro dat ai.

　　2. Tara hte htuk ai shawa masha ni shok lawa hpe n kam hparan ya, nunnong shachya, pati hte shawa masha ganbu hte shawa masha shada seng ai lam jahten ya ai.

　　3.Shawa masha ni hpe n du ndong, matsa mawa rai nna, n gaja lam shapro dat ai.

　　4.Masu ahpyop,lahta de masu lawu de magap yip nna, shawa masha ni akyu ara jahten shabya ya ai.

　　№109 Shawa masha ni myit ra ai lam n hkan ai, mak kahtak rai bungli masing jahkrat galo nna, mungdan, hpung jom shing nrai shawa masha ni a ja sutgan hte aky ara sum gaba hkrum sha shangun jang, teng tok lit la masha hte lit gun ningbo ni hpe go, sadi ga jo shing nrai na-du sadi ga jo ari jo na Msa loi song ai hpe go, pati hpung gatan a aya dom kau shing nrai pati n shapro kau ai yu maram ari jo na.

　　№110 Mungdan ja sutgan hte shawa masha ni a sak rumri ja sut gan hkrit hpa lam hkrum sha ai hte hkrum gatut ai shaloi, mai hkye nga yang ninglen n hkye yang, masa loi song ai hpe go, sadi ga jo na-du sadi ga jo shing nrai pati n shapro kau ai yu maram shing nrai pati jahpan shapro kau ai ari jo na.

　　№111 Dodan hta hkan nna pati mu, asuya mu, jak rung mu gahtong mu n re n shadan nna, shawa masha ni masa chye la ahko ahkang shanyen ya jang, tengtok lit la masha hte lit gun ningbo masha ni go, masa loi song ai rai jang, sadi ga jo shing nrai na-du sadi ga jo ari jo na. Masa na-du ai hpe go, pati hpung gata na aya dom kau ya shing nrai pati n shapro kau ai yu maram ari jo na.

　　№112 Gaga shawa masha asat tara dodan tot lai ai hpe go manot masa hta hkan nna sadi ga jo ai ko nna pati jahpan shapro kau ya ai ko du ai ari jo na.