№119 Pati masha ningbo ganbu ni seng ang dodan tot lai nna htunghkang lamang, asat tara ubadi tara hkan lamang hta hkan jehpre galo lom, seng ang buga shara rungdap shing nrai rungdap de shana, hpyi nyem tsun, shing nrai gaga ladat hku nna htunghkang lamang, asat tara ubadi tara hkan lamang hkan shanut ai rai yang, masa nau n song ai hpe go, na-du sadi ga jo ari jo na. Masa loi song ai hpe go, pati hpung gata na aya dom kau ya shing nrai pati hpung n shapro kau ai yu maram ari jo na.Masa na-du ai hpe go, pati jahpan shapro kau ai ari jo na.

　　Pati masha ningbo ganbu ni sengang dodan tot lai nna shawa ja gumhpro gam garan, mu masing jep dinglun, asuya ni shakon shagrau kumhpa jo re lamang ni hta hkan je hpre galo lom nna, sum gaba hkrum shangun shing nrai n-gaja ai mu shabyin dat ai hpe go, lahta na dodan ko hkan nna lajang na.

　　№120 Pati hpongchyom ni a ganbu lata lang, asat tara jep sagon re hte seng ai garan n shabra ai mu lam shing nrai gaga machyi shim ra ai mu lam ni hpe shakra, tsun shamong shing nrai lagu la re hpe go, sadi ga jo shing nrai na-du sadi ga jo ai ari jo na. Masa loi song ai hpe go pati hpung gata na aya dom kau ya shing nrai pati n shapro kau ai yu maram ai ari jo na. Masa na-du ai hpe go pati jahpan shapro kau ai ari jo na.

　　Madu hkrai Pati hpongchyom ni a ganbu lata lang, asat tara jep sagon re hte seng hkra ai laika ngau ni makoi ton ai ni hpe go, masa loi song ai rai yang, sadi ga jo shing nrai na-du sadi ga jo ai ari jo na. Masa na-du ai hpe go, pati hpung gata na aya dom kau ya ai ari jo na.

　　№121 Sanpoi san, lata la mu hta, sanpoi san ga bo shakra, sanpoi san shara ko masu mago rai, sanpoi san laika hprat gram, dodan tot nna lata la re seng ang dodan tot lai ai ni hpe go, sadi ga jo shing nrai na-du sadi ga jo ai ari jo na. Masa loi song ai hpe go, pati hpung gata na aya dom kau ya shing nrai pati n shapro kau ai yu maram ai ari jo na. Masa na-du ai hpe go, pati jahpan shapro kau ai ari jo na.

　　№122 N htuk n gaja ai ladat hte madu a matu shing nrai gaga masha a matu shawa gumhpro hte mungdan (Jarit)shinggan gale ai rai jang, masa nau n song ai hpe go, sadi ga jo ai ari jo na. Masa loi song ai hpe go, na-du sadi ga jo ari jo na. Masa na-du ai hpe go na-du sadi ga jo ari jo na. Masa na-du ai hpe go, pati hpung gata na aya dom kau ya ai ari jo na.

　　№123 Mungdan (Jarit) gan pru ai hpung (Zahpo hpung) shing nrai masha ko na pati masha ni, madu ko nna mungdan (Jarit) shinggan ko nga ai aten sharen la, shing nrai madu ko nna hkrun lam lai kau re rai jang, teng tok lit la masha hte lit gun ningbo masha ni hpe go, sadi ga jo shing nrai na-du sadi ga jo ai ari jo na. Masa loi song ai hpe go, pati hpung gata na aya dom kau ya ai ari jo na.

　　№124 Maigan mung hta dap jung ai rungdap ko nga shanu ai sing nrai mungdan(Jarit) gan pru ai hpung (Zahpo hpung) na pati masha ni, nga shanu shara na ubadi,ubadi aming shign nrai nga shanu mungdan, ginra na makam masham htunghking shut hkra ai rai yang, mana loi song ai hpe go, sadi ga jo shing nrai na-du sadi ga jo ai ari jo na. Masa na-du ai hpe go, pati hpung gata na aya dom kau ya, pati n shapro kau ai yu maram ari jo shing nrai pati jahpan shapro kau ai ari jo na.

　　№125 Pati a sat tara jep, woi zuphpo, hko shabra, zainyan ginhkyom mu hte rungdap re hkan na gaga mu lam htam hkrat wa ai hta, lit n-gun hpai shing nrai teng man ai hku lit n-gun hpai hkrat wa nna, sum hkrum shangun shign nrai n-gaja ai mu shabyin dat ai hpe go, masa hta yu nna sadi ga jo ai ko nna pati jahpan shapro kau ai ari jo na.

　　Do gaji shi langai Nga sat nga sa asat tara tot lai ai hpe ari jo ai lam

　　№126 Nga sat nga sa hta lahpot lama awa aga rai, pyo sha shachyut, yuk jahtuk re rai hkan galo hkom rai nna, n-gaja ai mu shabyin dat ai ni hpe go, sadi ga jo shing nrai na-du sadi ga jo ai ari jo na. Masa na-du ai hpe go, pati hpung gata na aya dom kau ya ai ari jo na.

　　№127. Masha ni hte nse nsa mu galo nna, n-gaja ai bu shabyin dat ai hpe go, sadi ga jo shing nrai na-du sadi ga jo ai ari jo na Masa nau n song ai hpe go, pati hpung gata na aya dom kau ya ai ari jo na.Masa na-du ai hpe go, pati jahpan shapro kau ai ari jo na.

　　Ahko ahkang lang nna bau maka la masha, hkan shingnan nang masha ni shing nrai gaga masha ni hte nse nsa lam galo nna, n-gaja ai bungli shapro dat ai ni hpe go, sadi ga jo shing nrai na-du sadi ga jo ai ari jo na. Masa loi song ai ni hpe go, pati hpung gata na aya dom kau ya shign nrai pati n shapro kau ai yu maram ari jo na. Masa na-du ai hpe go, pati jahpan shapro kau ai ari jo na.

　　№129 Gaga hpong shignra sari, dinghku sari tot lai ai lailen hpe go, masa ko yu nna sadi ga jo ai ko nna pati jahpan shapro kau ai ko du ai ri jo na.

　　Do gaba masum Malom tara

　　№130 Mungdo gaba, madu uphkang ginra, tengtok gon hkang myu shagu na pati rapdo ni tara nambat ndai ko hkan, madu ai mu htam mu na mabyin masa hta hkan gapyon la nna madu shara hte htuk ai tara mai dodan lang ai.

　　№131 Ginjo hpyen mu pati rapdo ni tara nambat ndai ko hkan, Miwa mung mungchying sha gaifanggyin hpyen hte Miwa mung mungchying sha laknak sumro balik hpyen dap ni a mabyin masa hte gapyon nna, malom dodan galo shing nrai madu hte htuk ai dodan ni galo galo la mai ai.

　　№132 Tara nambat ndai go ginjo asat rara jep pati rapdo ko nna tsun gabyan lit la ai.

　　№133 Tara nambat ndai go 2016 ning shata 1 pro 1 ya shani ko nna lang hkrat wa na hku re.

　　Tara nambat ndai lang hkrat wa na shong e, shangut shakre sai amu go lama gahtap jep gahtap dinglun ra ai rai yang. Dai shaloi ten na dodan shing nrai tara mai lang ai. Garai n shangut shakre ai amu rai jang, lama mu byin ai shaloi na dodan shing nrai tara hta yu yang shut asat tara tot lai ai n re ai rai yang, ndai tara nambat hta go asat tot lai ai bai rai jang go, dai shaloi na dodan shing nra tara hta hkan nna lajang na. Lama amu byin ai shaloi na dodan shign nrai tara hta go asat tara tot lai ai rai jang, dai shaloi ten na dodan shing nrai tara ko hkan nna lajang na, rai yang tara nambat ndai hte asat tara tot lai ai n rai shing nrai masa n song ai lajang na hpe go, tara nambat ndai a dodan ko han nna lajang na.