Miwa mung suthpom pati go Miwa mung jakmu tsang ningshong　hpung re, dai hte rau Miwa mung mungchying sha hte Miwa　mung amyu sha ni a ningshong hpung rai nna, Miwa gumsan mungdan　alak nsam rong ai hpong shingra masa mu bungli a woion akri　re, Miwa mung ningshong sho muhtam n-gun sharot zinghka lajin a　hkum malai tai, Miwa mung ningshong sho kunghpan maka a hkom　sa lam a hkum malai tai, Miwa mung lo htam dik ai mungchying sha　ni a akyu ara majing a hkum malai tai nga ai. Suthpom pati a tso　htum dik ai myit shing-yo hte tso htum dik ai bandung go suthpom　masa shabyin shagreng hkrat wa na lam re.

　　Miwa mung suthpom pati go Ma Hke Si Le Lin masa, Mau Zhe　Tung myit jasat, Din Shau Hpyin tara gamung,“Lam masum myit　masa mungga”a ahkyak myit jasat, logadat hpaji sharot zinghka　myit jasat hte Si Gyin Hpyin a prat ningnan Miwa mung alak nsam　rong ai hpong shingra masa myit jasat hpe madu a lam hkom shanan　shatai hkrat wa ai re.

　　Ma Hke Si Le Lin masa go shinggyim masha hpong shingra　sharot zinghka wa na lam ni hpe shadan shaleng dan sai hte maren,　shi a mi na tara npot go teng man nna, tsam n-gun ram ram ja nga ai.

　　Suthpom pati masha ni shagreng hkrat wa ai suthpom masa a tso dik　ai myit shing-yo go, hpong shingra myit masa hpong shingra mana　maka sharot zinghka la lu ai hte madang tso dik ai hku wumja ai　npot nhpang hta she shabyin la lu ai. Hpong shingra masa htung a　sharot zinghka hte jahkum shatsup hkrat wa na ten labau go grai galu　ra nga ai.Ma Hke Si Le Lin masa a mi na tara npot htap hkuk ai　lam mo hkom hkrat wa yang, Miwa mung a hpong shingra masa mu　bungli go jahtum e ongdang lu　na ra ai.