Miwa mung suthpom pati ko nna mungchying sha gaifang gyin hpyen ni hte kaga laknak n-gun hpe hkrak woi on sa wa, Si Gyin Hpyin a ahpyen shagreng myit jasat hkan shatup sa wa, mungchying sha gaifang gyin hpyen go maden, mung masa hte hpyen go maden, gram galai ai hte hpyen shangang shakang, logadat hpaji hte hpyen shawum shaja, ubadi tara hte hpyen gon hkang hkrat wa nna, pati a hpareng ga madat, majan dang, ronlai gaja ai mugnchying sha hpyen dap go maden la nna, mungchying sha gaifang gyin hpyen ni prat ningnan hpyen lit gun hpai hkrat wa na matu ama hkam ya nhtom, mungchying sha gaifang gyin hpyen ni hpe mungdan htang maja mu galo shaja, jiwoi mungdan makop ai hte hpong shingra masa prat dep mu go maden hkrat wa ai hta akyu htam shapro shangun na. Miwa mung suthpom pati ko nna rap-ra myit hkrum garum shingtau zimra ai hpong shingra masa amyu seng hkat lam makop maga sharot zinghka,kyet shop ai hte n lo amyu ganbu masha shapan, lata, n lo amyu hte amyu ginra ja sutgan, kunghpan hpaji hte hpong shing ra mu lam sharot zinghka garum nna, Miwa gumsan mungdan amyu sha ni gahkyin gumdin myit shangang shakang la, myu shagu amyu sha ni hpe woi shakut shaja, jom wumja rot jat wa shangun na, pati a makam masham mu tara maka hkan shatup sa wa nna, makam masham kamsham ai shawa maden mu hta n-gun atsam dat shapro shangun na.