(Shata 4 pro 5 ya na do) Pati yu chyam masha pati yu chyam aten hpring jang go, pati a dap kying ko nna aten hkrak rai nna pati masha majing yi mai shatai la sana lam hpe jom dup dinglun ra sai. Kyet shop ai hte pati a lit gun hpai, pati masha lakung lama majing shatai la ra sai. Lama no yu maram sharin achyin ra ai hpe go, pati yu chyam ten sharen mai ai, raitim laning mi ko n mai shalai ai. Pati lit n gun hpai hkrat wa, pati masha lakung lama n nga ai hpe go, pati yu chyam masha ahkang aya dom kau ya ra sai. Pati yu chyam masha ni pati masha majing shatai, shing n rai pati yu chyam aten sharen, shing n rai pati yu chyam masha ahkang aya dom kau ya na rai yang, dap kying zuphpong gaba ko jom dinglun myithkrum ai hte lahta tsang pati hpongchyom ko nna hkro ya ra ai. Pati yu chyam masha ni pati yu chyam aten go,dap kying zuphpong gaba hta shi hpe pati yu chyam masha tai na hku myithkrum da ai shani ko nna son hpang na. Pati masha ni a pati asak go, pati yu chyam aten hpring nna pati masha majing shatai la ai shani ko nna son hpang na. № 8 Pati masha hkum shagu go, aya nyem tso n nga ai, yong hpe pati a dap kying langai ko, hpongchyom gaji shing n rai gaga alak re zuphpo la hpongchyom ko gahkyin bang ton nna, pati a hpongchyom nga sat nga sa ko shang lom nhtom, pati gata na hte shinggan na shawa masha ni tek yu nga ai hkam ra ai. Pati masha ningbo ganbu ni go pati rapdo, pati hpung ni a gumrong gumtsa zuphpong no lom ra ai. Pati a hpongchyom zuphpong n lom, pati gata na hte shinggan na shawa masha ni yu tek ai n hkam ai pati masha n nga shangun ai. № 9 Pati masha ni pati hpung ko nna nhtang pru mat wa na madu mara nga ai. Pati masha ni pati pru hpyi shon yang, dap kying zuphpong gaba ko nna jom dinglun yu ai hpang jahpan shapro kau ai lam hko tsun nna, lahta tsang pati hpongchyom de shon shana nna tsayin hta da shangun ra ai. Pati masha ni gumlan myit atsam n lu,pati masha lit n gun hpai,pati masha lakung lama hte n htuk re rai jang,pati a dap kying ni shi hpe sharin shaga, shut hpyit galai kau na hku madun matsun rai ra ai. Sharin shaga yu yang n chye galai ai hpe go, pati ko nna pru mat shangun ra sai.Pati masha ni hpe pati pru mat shangun yang, dap kying zuphpong gaba ko jom dinglun dodan la nna,lahta tsang pati hpongchyom de shana nna hkro ya ra ai.Lama pati pru mat shangun hkrum ai pati masha shanang to nga jang,dap kying zuphpong gaba ko ap ya nna dinglun nna, shi hpe mying hprat kau ya na hku dodan nhtom, lahta tsang pati hpongchyom de shon shana hkro ya shangun ra ai. Pati masha lama tengman ai kahpang n nga yang, pati hpongchyom gata na mu n hkan galo lom, pati alu n bang, shing n rai pati hpai ai bungli ni n galo ai ten matut manoi rai shata kru hpring mat jang, madu hkrai pati pru mat ai hku madu kau sai. Dap kying zuphpong gaba ko nna ndai zon re ai pati masha hpe mying hprat kau ya ra ai hta n-ga, lahta tsang pati hpongchyom de shon shana nna hkro ya shangun ra ai.