(Shata 4 pro 10 ya na do) Pati a hpongchyom htung №.10 Pati go madu a tara ganu hte pati hpung tara ko hkan, gumrong gumtsa jom gahkyin htung ko hkan nna zahpo la ai wahpung re. Pati a gumrong gumtsa gahkyin htung a tara maka go: (1) Pati dinghkrai masha ni go pati hpongchyom ko hkan, yom ai jahpan go lo ai jahpan kohkan, lawu tsang hpongchyom go lahta tsang hpomchyom ko hkan, pati hpung ting na hpongchyom shagu hte pati hpung ting na pati masha ni yong go pati a mungdan mungchying sha gasa zuphpong gaba hte ginjo salang rapdo ko hkan ai. (2) Pati a tsang shagu woi on rungdap go, rung dap ni ko nna dat ai rungdap gasa hte pati hpongchyom n re ai ko na pati hpongchyom hta lai nna, yong go ra lata shapro dat ai hkai re. (3) Pati a tso htum woi on rungdap go, pati a mungdan mungchying sha gasa zuphpong gaba hte dai ko nna pru wa ai ginjo salang rapdo re. Pati a buga tsang shagu woi on rungdap go, pati a buga tsang shagu mungchying sha gasa zuphpong gaba hte daini ko nna lata shapro ai salang rapdo ni go rau tsang na mungchying sha gasa zuphpong gaba de lit la nna bungli mung tang shana ai. (4) Pati a lahta tsang hpongchyom ni go tutnong e lawu tsang hpongchyom hte pati masha shawa masha ni a myit lu lam ni hpe madat mara la nna, aten hte hkrak rai nna shanhte tsun shapro ai manghkang ni hpe hparan ya ra ai. Pati a lawu tsang hpongchyom ni go lahta tsang hpongchyom de matsun la na hpyi shon hte tang shana ai hte rau,madu ko nna tinang lit la ai shara na manghkang ni hpe mung no hparan kau ra ai. Lahta tsang hte lawu tsang hpongchyom lapran hta go shada shiga shana hkat, shada madi shado hkat hte shada tek yu hkat rai ra ai. Pati a tsang shagu hpongchyong ni go dodan ai hta hkan nna pati mu shadan shapra nna, pati masha ni hpe pati mu grau chye la grau hkan galo shangun ra ai. (5) Pati a tsang shagu salang rapdo ni woi on ai hte madu lit la ai hpe gapyon lang ai htung hkan sa ai re. Manghkang gaba hpe go woi jom galo, gumrong gumtsa gahkyin, jom bong, zuphpong ko dodan ai tara maka ko hkan nna, pati a salang rapdo ko bai jom dinglun nna, dodan hte bungli garan ai ko hkan nna, madu a mu lit hpe atsom galo shatup sa wa ra ai. (6) Pati ko nna ganing re masa hte mi rai rai masha langai hpe dik htum shagrau ai lam hpe pat da ai. Pati a ningbo masha ni tek yu nga lu, dai hte rau pati hte mungchying sha ni a matu akyu ara galo shapro ai ningbo masha ni a hpung shingkang hpe makop maga ya ai. (Bai matut hti ga)