Pati a hpongchyom htung

　　№.11 Pati a tsang shagu gasa zuphpong gaba a gasa hte salang rapdo lata shapro na rai yang, ra lata masha ni a myit atsam shaleng ra ai. Ra lata ladat go ra lata masha a mying n ka ai ladat hku ra lata lakmat bang ai. Ra lata hkrum masha ni a mying jahpan go pati hpongchyom hte ra lata masha ni ko nna atsom bongban ra ai. Ra lata hkrum masha jahpan go hkrak ra lata ra ai masha ja- hpan hta lo ai man ra ladat hte lata la mai ai. Man ra lata ladat hte shong lata chyam yu nna, ra lata hkrum masha jahpan lata shapro ton lu jang, ra lata jahpan hkrak bai lata shapro rai yang mung mai ai. Ra lata masha ni go ra lata hkrum masha ni a lam chye la, ra lata masha galai lam hpyi shon, ra lata hkrum masha langai mi hpe mung n ra lata ai hte kaga masha hpe ra lata na ahko a- hkang lu ai. Ganing re hpongchyom hte dinghkrai masha ni ganing re ladat hte ra lata masha langai hpe dip shagui nna ra lata shangun shing n rai ra lata masha langai hpe n ra lata shangun n mai rai ai.

　　Pati a buga tsang shagu mungchying sha gasa zuphpong gaba hte lawu tsang mungchying sha gasa zuphpong gaba ko na ra lata hta, lama pati hpung tara tot lai ai masa nga jang, lahta tsang na salang rapdo ni jep jahkrup yu ai hpang, ra lata n son mat ai hte kaga ladat la shapro na lam dodan sha- pro ai hte rau, lahta tsang pati a salang rapdo de shon nna hkro ya jang, hkrak hko shabra hkan sa wa ra ai.

　　№.12 Pati a jinjo hte buga tsang shagu pati rapdo ni go ra ang ai rai jang gasa zuphpong gaba hpo hpong nna, aban gan hparan kau ra ai ahkyak manghkang gaba ni dinglun dodan ra ai. Mungchying sha gasa zuphpong gaba gasa lata shapro ladat go,mungchying sha gasa zuphpong gaba na salang rapdo ko nna dodan na.

　　№.13 Pati a hpongchyom ningnan go sharot, shing n rai pati a mi na hpongchyom jahpyak kau na rai yang lahta tsang pati hpongchyom ni ko nna dodan ra ai.

　　Pati a buga tsang shagu mungchying sha gasa zuphpong gaba hte lawu tsang mungchying sha gasa zuphpong gaba ni zuphpong n hpo hpong ai laman hta, lahta tsang pati hpongchyom lit gun masha htot sit shing n rai hprai dat ra ai.

　　Pati a ginjo hte buga tsang shagu salang rapdo ko na gasa rungdap hprai sha- pro mai ai.

　　№.14 Pati a ginjo hte mungdo gaba, madu up hkang ginra, teng tok gon hkang myu pati rapdo ko nna hkan yu hkom htung lang hkrat wa ai. Ningdo mi na aya gun ten laman hta, gon lajang ai shara, rung dap, magam rungdap na pati hpongchyom hta hkan yu hkom du ra ai.

　　Ginjo na seng ang rungdap rapdo hte mungdan rungdap hkan na pati hpong chyom (Pati rapdo) ni go bungli mu masa hta hkan nna, hkan yu hkom galo hkrat wa ra ai.

　　Pati a myu (Shara ginwang, mungdo,wunhpom)hte ginwang (Myu ginra, wa- hpung) rapdo ni go hkan yu hkom htung galo da ra ai.

　　№.15 Pati a tsang shagu woi on rungdap ni go, arau tsang hte lawu tsang hpongchyom ni a seng ang manghkang lam dodan ya ai shaloi, mayu e go, lawu tsang hpongchyom ni a myit lu lam hpe san laman rai yu ra ai. Lawu tsang hpongchyom ni shanhte a mu htam ahko ahkang lang hkrat wa na hpe ama hkam ya ra ai manghkang ni hpe go, kaga alak re n rai jang, lahta tsang woi on rungdap ni n mai sa je hpre ya ai.

　　№.16 Mungdan ting hte seng ai ahkyak gaba masa tara ni hpe go, pati ginjo ko nna chyu sha dodan na ahko ahkang lu ai, rung dap shagu buga shagu na pati hpongchyom ni ginjo de tsun shon lam mai shana ai, rai yang madu ko nna dodan shapro ai hte shing gan de myit ai hku galo na lam tsun shapro n mai rai ai.

　　Pati a lawu tsang hpongchyom ni go lahta tsang hpongchyom a dodan lam hkan shatup sa wa ra ai. Lawu tsang hpongchyom ni go lama lahta tsang hpongchyom ni a dodan lam madu shara, madu rungdap na masa ni hte n kai ai rai jang, lai kau na hku mai hpyi shon ai. Lama lahta tsang hpongchyom ni ami na dodan a myit lu lam ni hpe dandan rai n mai tsun shapro ai, raitim grau tso ai lahta tsang hpongchyom de tang shana na ahko ahkang lu ai.

　　Pati a tsang shagu hpongchyom ni a shi laika hkum hpa laika hte kaga hko shabra hkingrai ni go, pati a lam yan, tara maka, tara hte ga makyit ni hko shabra hkrat wa ra ai.

　　№.17 Pati hpongchyom ni manghkang dinglun dodan ai shaloi, jahpan yom ai ni lo ai ni ko hkan ai tara maka hkan ra ai. A- hkyak manghkang dodan ai shaloi, ta sharot dodan ladat hkan ra ai. Jahpan yom ai ni a n bung ai myit lu lam ni hpe go, atsom maram ya ra ai. Lama ahkyak manghkang gaba dang-rang hkat jang, lahkong maga na masha jahpan ganoi maren re rai jang, kyin dut ai masa hta masha lo ai ni tsun ai ko lai nna, dodan lam gan jahkring ton kau ra ai, atsom bai jep dinglik yu nna, jom dup yu rai nhtom, galang bai ta sharot dodan na, alak re masa hta go, dangrang hkat ai lam ni hpe lahta tsang hpongchyom de tang shana nna, dodan shapro shangun ra ai.

　　Pati masha madu hkrai pati hpong chyom a hkum malai hku nna ahkyak myit lu lam hko shabra yang, lama pati hpong chyom dodan ton ai ko dinglai jang, shi nga shara na pati hpongchyom de ap ya nna ding lun dodan shangun shing n rai lahta tsang pati hpongchyom de shon shana ra ai. Ga- ning re pati masha mi rai rai aya tso n tso n nga ai, madu hkrai ahkyak manghkang gaba n mai dodan ai. Lama kyin dut masa hte hkrum gatut ai rai nna, madu hkrai dodan la shapro na rai yang, mu ngut kre ai hpang lawan ladan rai nna lahta tsang pati hpong chyom de tang shana ra ai. Ganing re ningbo masha mi rai rai madu hkrai dodan n mai la shapro, madu hkrai hpongchyom a ntsa e n mai mara ai. (Bai matut hti ga)