(Shata 4 nhtoi 26 ya shani na do) №18 Pati a ginjo,buga hte lawu tsang hpongchyom ni go, pati a go maden mu hpe yu ahkyak la ra ai, tutnong e pati a hko shabra mu, sharin shapan mu, zahpo mu, asat tara jep mu,shawa mu galo mu, ginhkyom majan man mu hpe jom dinglun hkan jep yu nna, pati gata na hte shinggan na myit jasat mung masa lam ni hpe sumru ra ai. Pati a ginjo hpongchyom №.19 Pati a mungdan mungchying sha gasa zup-hpong gaba go aten manga ning du jang galang hpo hpong nna, ginjo salang rapdo ko nna woi shaga gahkyin hpo ai re. Ginjo salang rapdo ko nna ra dum jang, shing n rai htam masum na htam mi a lahta de na mungdo gaba tsang hpongchyom ko nna tsun shapro wa jang go, mungdan mungchying sha gasa zuphpong gaba hpe ten garai n du ai ko mai hpo hpong ai. Kaga lai re masa n pru yang go, hpo hpong ten n mai sharen kau ai. Mungdan mungchying sha gasa zuphpong gaba gasa jahpan hte lata ladat go, ginjo salang rapdo ko nna dodan ra ai. No.20 Pati a mungchying sha gasa zup-hpong gaba a ahko ahkang go: (1) Ginjo salang rapdo a tang shana hpe madat mara ai hte jep. (2) Ginjo asat tara jep salang rapdo a tang shana hpe jep ai. (3) Pati a ahkyak gaba manghkang dinglun dodan. (4) Pati a pati hpung tara gram sharai. (5) Ginjo salang rapdo ra lata shapro. (6) Ginjo asat tara salang rapdo ra lata shapro. №.21 Pati a mungdan mungchying sha gasa zuphpong gaba a ahko ahkang go: Ahkyak gaba manghkang dinglun dodan, ginjo salang rapdo, ginjo asat tara jep salang rapdo na salang nkau hpe jahtuk jahkrak lata jat. Ginjo salang rapdo no salang hte shingnan salang a mying jahpan galo jahkrak jat shalo dat na rai yang, mungdan mungchying sha gasa zuphpong gaba ni lata shapro ai ginjo salang rapdo hte shingnan ginjo salang rapdo a gadai mung gadai re gumhpon jahpan a htam manga ko na htam mi ko n mai jan ai. №.22 Ginjo salag rapdo a mu gun ten ningdo mi go manga ning re. Mungdan mungchying sha gasa zuphpong gaba hpe shong hpo hpong shing n rai hpang jahkrat nna hpo hpong na rai yang, shi a mu gun ten lado mung lai kau ra ai. Ginjo salang rapdo na salang hte shingnan salang ni go pati asak manga ning a lahta de du ra ai. Ginjo salang rapdo na salang hte shingnan saliang ni a mying jahpan go, mungdan mungchying sha gasa zuphpong gaba ko nna dodan na. Ginjo salang rapdo na salang jahpan yet mat jang, ginjo salang rapdo na shingnan salang ni ko na amat tso ai ko hkan lata la yu wa rai bai shatup bang na. Ginjo salang rapdo hkumra zuphpong hpe go ginjo mung masa gon hkang dap ko nna woi hpo hpong nna, laning mi hta go grit htum galang mi hpo hpong ra ai. Ginjo mung masa gon hkang dap ni go ginjo salang rapdo hkumra zuphpong de mu bungli tang shana ai shaloi tek jep na hkrum ai. Mungdan mungchying sha gasa zuphpong gaba zuphpong n nga ai ten laman hta, ginjo salang rapdo ni mungdan mungchying sha gasa zuphpong gaba ni a ga makyit hkan sa wa, pati a mu bungli ma hkra woion, maigan mung de go Miwa mung suthpom pati a gasa tai ai. №.23 Pati a ginjo mung masa gon hkang dap, ginjo mung masa gon hkang dap dinggrin salang rapdo hte ginjo saang rapdo ding hkung mu madu hpe go, ginjo mung masa gon hkang dap hkumra zuphpong ko nna lata shapro ai re.Ginjo salang rapdo dinghkung mu madu go ginjo mung masa gon hkang dap dinggrin salang rapdo na salang ko nna lata shapro ra ai. Ginjo mung masa gon hkang dap hte shi a dinggrin salang rapdo go ginjo salang rapdo hkumra zuphpong n nga ai ten laman hta, ginjo salang rapdo a ahko ahkang manat hkrat wa ra ai. Ginjo dinghkung mu madu dap go ginjo mung masa gon hkang dap hte shi a dinggrin salang rapdo a mu htam rungdap re. Rungdap masha go ginjo mung masa gon hkang dap dinggrin salang rapdo ko nna mying shon nna, ginjo salang rapdo hkumra zuphpong ko jom myithkrum dat ai re. Ginjo salang rapdo dinghkung mu madu go ginjo mung masa gon hkang dap zuphpong hte ginjo mung masa gon hkang dap dinggrin salang rapdo zuphpong woi gahkyin hpo hpong ai hte rau, ginjo dinghkung mu madu dap na mu bungli mung no aju jum ra ai. Pati a ginjo hpyen mu salang rapdo zahpo la ai masha go ginjo salang rapdo ko nna dodan ai re. Pati a ginjo hpyen mu salang rapdo na ni go tingyang up lit hkam htung masa lang ai re. Ningdo shagu na ginjo salang rapdo hta lata shapro ai ginjo ningbo rungdap hte ginjo ningbo masha ni go, lawu ningdo na mungdan mungchying sha gasa zhuphpong gaba zuphpong hpo hpong laman hta pati a tut bungli aju jum dingyang rai, lawu ningdo ginjo salang rapdo na ningnan ai ginjo ningbo rungdap hte ginjo ningbo masha lata shapro ai shaloi du hkra rai ra ai. №.24 Miwa mung mungchying sha gaifang gyin hpyen ko na pati hpongchyong go, ginjo salang rapdo ni a madun matsun hta hkan nna bungli htam hkrat wa ai re. Ginjo hpyen mu salang rapdo ni go pati a mu bungli hte mung masa mu bungli hpe lit la nna gon lajang hkrat wa ai re. Hpyen dap ko na pati a hpongchyom hkrang hte rungdap lam dodan shapro ai re. (Bai matut hti ga)