(Shata 5 pro 1 ya na do) Do gaba 4 Pati a buga hpongchom №25 Pati a mungdo gaba, madu up hkang mung-do, tengtok gon hkang myu na mungchying sha gasa zuphpong gaba, lok masat ai myu hte madu up hkang mungdo na mungchying sha gasa zuphpong gaba, ginwang(Donghkon), madu up hkang ginwang, lok n masat ai myu hte myu gon hkang shara na mung-chying sha gasa zuphpong gaba ni go, 5 ning du jang zuphpong galang hpo hpong ra ai. Pati a buga na tsang shagu mungchying sha gasa zuphpong gaba go rau tsang na pati a salang rapdo ko nna shaga gahkyin hpo ai re. Alak re masa hta go, lahta tsang salang rapdo ko nna hkro ya jnag,shong hpo shing n rai ten sharen hpo mai ai. Pati a buga tsang shagu mungchying sha gasa zuphpong gaba gasa a masha shadang hte ra lata ladat go, rau tsang na pati salang rpdo ko nna dodan nhtom, lahta tsang na pati a salang rapdo de shalai dat ya nna hkro ya shangun ra ai. №26 Pati a buga tsang shagu mungchying sha gasa zuphpong gaba ni a ahko ahkang go: (1)Rau tsang na salang rapdo ni a tang shana madat mara ai hte jep yu. (2)Rau tsang na asat tara jep salang rapdo ni a tang shana jep yu. (3)Madu ginra shingwang gata na ahkyak gaba manghkang ni hpe dinglun yu nna ga makyit galo da. (4)Rau tsang na pati a salang rapdo lata shapro, rau tsang na pati a asat tara salang rapdo lata shapro. №27 Pati a mungdo gaba, madu up hkang mungdo, tengtok gon hkang myu, lok masat ai myu hte madu up hkang mungdo na salang rapdo ni, ningdo mi hta lit gun ten go manga ning re. Salang rapdo ndai ni ko na salang hte shingnan salang ni pati asak go manga ning a lahta de rai ra ai. Pati a ginwang(Donghkon), madu up hkang ginwang, lok n masat ai myu hte myu up hkang ginra na salang rapdo ni go ningdo mi hta lit gun ai aten go manga ning re. Ndai salang rapdo na salang ni hte shingnan salang ni go masum ning a lahta de du ai pati asak lu ra ai. Pati a buga tsang shagu mungchying sha gasa zuphpong gaba ni lama zuphpong shong hpo shing n rai hpang jahkrat hpo ai rai yang, shi lata shapro ai salang ni a ningdo lit gun aten mung hkan galai ra ai. Pati a buga tsang shagu mungchying sha gasa zuphpong gaba ni lama zuphpong shong hpo shing n rai hpang jahkrat hpo ai rai yang, shi lata shapro ai salang ni a ningdo lit gun aten mung hkan galai ra ai. Pati a buga tsang shagu salang rapdo na salang hte shingnan salang ni a masha shadang go, kaga ga rai nna lahta tsang salang rapdo ko nna dodan na. Pati a buga tsang shagu salang rapdo salang jahpan yet mat jang, shingnan salang ni ko na amat tso ai ko hkan lata la yu wa rai bai shatup bang na. Pati a buga tsang shagu salang rapdo hkumra zuphpong go, laning mi hta grit htrum lahkong lang hpo hpong ra ai. Pati a buga tsang shagu salang rapdo ni go mungchying sha gasa zuphpong n hpo ai ten laman hta, lahta tsang pati hpongchyom ni a madun matdun hte rau tsang na pati mungchying sha gasa zuphpong ni a ga makyit hkan shatup sa wa, madu buga na mu bungli ni woi on galo sa wa rai nna,aten gadi ton nna lahta tsang na pati a salang rapdo de mu bungli tang shana hkrat wa ai re. №28 Pati a buga tsang shagu salang rapdo hkumra zuphpong ko nna, dinggrin salang rapdo hte mu madu, mu madu ningtau lata shapro nna, lahta tsang pati a salang rapdo de tang shana nna hkro ya shangun ai re. Pati a buga tsang shagu salang rapdo n ia hkumra zuphpong n hpo hpong ai laman hta, salang rapdo ahko ahkang manat hkra wa ai. Lawu ningdo mungchying sha gasa zuphpong hpo hpong laman hta, ta tut mu bungli dingyang aju jum galo nhtom, ningnan ai dinggrin mu gun salang rapdo byin pru ai shaloi du hkra rai na. Pati a buga tsang shagu salang rapdo na dinggrin salang rapdo ni aten gadi ton nna salang rapdo hkumra zuphpong hpang de mu bungli tang shana nna, tek yu ai hkam ra ai. №29 Pati a ginra salang rapdo hte ginra salang rapdo hte bung ai hpongchyom ni go, pati a mungdo gaba,madu up hkang ginra salang rapdo ni ginwang kau mi, madu up hkang ginwang, myu re maiwang de hprai shapro dat ai gasa rungdap ni rai nga ai. Shi go mungdo gaba, madu up hkang ginra salang rapdo ni ko nna aya jo nna, dai shara ni hta woi on mu galo ai re. (Bai matut hnti ga)