(Shata 5 pro 8 ya shani na do) Pati a lawu tsang hpongchyom №30 Sut magam dap, hkaimu gahtong, rungdap, jong, logadat hpaji chyam dinglik dap, gat lok shara, hpong shingra hpongchyom, mungchying sha gaifang gyin hpyen dap hte gaga lawu tsang rungdap ni hta, pati masha majing marai masum nga sai shara ko go, pati a lawu tsang hpongchyom mai galo sharot ton sai. Pati a lawu tsang hpongchyom ni go, mu bungli hta ra gadon ai hte pati masha jahpan hte seng nna, lahta tsang pati hpongchyom ko nna hkro ya jang, pati a lawu tsang salang rapdo, dap kying ganu salang rapdo, dap kying salang rapdo ni hpe kaga ga rai nna hpo da mai ai. Lawu tsang salang rapdo go pati zuphpong shing nrai mungchying sha gasa zuphpong gaba ko nna lata shapro ra ai, dap kying ganu salang rapdo hte dap kying salang rapdo go pati zuphpong gaba ko nna lata shapro ra ai, salang rapdo shingnan salang lata shapro na rai yang, lohtam ai pati masha hte shawa masha ni a myit lu lam ni atsom maram shakru yu ra ai. №31 Pati a lawu tsang salang rapdo, dap kying ganu salang rapdo, dap kying salang rapdo ni a lit gun ningdo mi go masum ning ko nna manga ning re. Lawu tsang salang rapdo, dap kying ganu salang rapdo na mu madu, mu madu ningtau lata shapro ai hpang, lahta tsang pati hpongchyom de tang shana nna hkro ya shangun na. №32 Pati a lawu tsang hpongchyom go pati ni hpong shingra lawu tsang hpongchyom ko na gasat wang re, pati a mu bungli hte majan n-gun ma hkra ko na npot nhpang re. Shi a lit madung go: (1) Pati a lam yan, tara maka, tara ni hpe hko shabra hkan shatup hkrat wa, pati ginjo, lahta tsang hpongchyom ni hte madu hpongchyom ni a ga makyit hko shabra hkan shatup sa wa rai nna, pati masha a ningshong sho kasi dan akyu hpe atsom htam shapro hkrat wa, kyet shop ai gata na hte ningshong sho mu shalat galo hkrat wa, pati gata na hte shinggan na ganbu hte shawa masha ni hpe woi myit jahkrum gumdin hkrat wa rai nhtom shakut shaja let madu rungdap hta na lit hpe gun hpai hkrat wa na. (2) Pati masha ni hpe woi gahkyin la nna kyet shop ai hte Ma Hke Si Le Lin masa. Mau Zhe Tung myit jasat, Din Shau Hpyin tara gamung,“ Lam masum myit masa mungga”ahkyak myit jasat, logadat hpaji sharot myit jasat hte Si Gyin Hpyin a prat ningnan na Miwa mung alak nsam rong ai hpong shingra masa myit jasat sharin achyin,“Sharin lahkong galo langai”htu sit, nong e sharin achyin htung tara hkan sharin la, pati a lam yan, tara maka, tara hte ga makyit sharin achyin, pati a hpaji madung sharin achyin, logadat hpaji sharin achyin, kunghpan hpaji, ubadi hte mu bungli hpaji ni sharin achyin sa wa na. (3) Pati masha ni hpe sharin shapan, gon lajang, yu tek ai hte akyu htam ya nna, pati masha madang shatso ya, pati myit sharot, hpongchyom nga sat nga sa lam tara shaja, daru sharin ai hte madu hkrai daru sharin lam galo, pati a asat tara hpe makop maga hkan shatup sa wa, pati masha ni lit gun hpai hkrat wa ai lam yu tek hkrat wa, pati masha ni ahko ahkang n shanyen hkra na hpe ama hkam ya. Shamu hkom ai pati masha ni hpe gon lajang ai lam shangang shakang galo sharai. (4) Shawa masha ni hte makyit mahkai htinglet shaja sa wa nna, tutnong e shawa masha ni pati masha, pati mu bungli seng nna daru sharin ai hte lu lom lam ni madat mara hkan chye la, shawa masha ni a tengman ai ahko ahkang hte akyu ara makop maga ya, shawa masha ni a mung masa myit jasat ni rai na. (5) Pati masha hte shawa masha ni a kyet shop myit hte ningnan shalat myit sharot ya, shanhte hta na ningshong sho masha ni hpe mu chye sharin shapan ai hte shachyan ya nna, shanhte hpe gram galai hpaga lam hpo ai hte hpong shingra masa patut dep mu go maden sa wa ai lam hta madu a kungzet zainyan sak shapro na hku n-gun jo madi shado hkrat wa na. (6) Pati hpung shang mayu ai ni hpe go sharin shaga sharin shapan hkrat wa, pati masha jashon la mu galo shagreng hkrat wa nna, bungli galo, mu htam shara hkan na ramma ni hta pati masha jashon la mu hpe yu ahkyak la na. (7) Pati masha ganbu hte gaga mu htam masha ni mungdan ubadi tara hte tara masa hkan sa wa ai lam tek jep, mungdan a ja gumhpro magam ja sutgan ubadi htung hte mu htam masha gon hkang htung hkan shaja sa wa, mungdan, shawa hte shawa masha ni a akyu ara n mai madu la kau ya ai. (8) Pati masha hte shawa masha ni hpe n hkru n gaja ai hte lam hpe hkap manga hkrat wa na hku sharin shapan, myu shagu re asat tara tot ai hte ubadi tara tot lai ai mara shut lailen hpe aja awa gasat gala hkrat wa na. (Bai matut hti ga)