(Shata 5 nhtoi 22 ya shani na do) Pati a asat tara №41 Pati asat tara ari jo ladat myu manga go: Sadi ga jo, na-du sadi ga jo, pati hpung gata na aya jahkrat kau ya, pati n shapro kau ai yu maram, pati jahpan shapro kau ya. Pati n shapro ai yu maram aten go galu dik lahkong ning n mai lai ai. Pati masha ni pati n shapro ai yu maram laman hta dodan ahko ahkang, ra lata ahko ahkang hte ra lata hkrum ahko ahkang n lu ai. Pati masha ni pati n shapro kau ai yu maram ari jo hkrum ai hpang, tengman ai hku shut hpyit lam sharai la ai hpe go, pati masha ahko ahkang bai shabai ya ra ai. Shut hpyit lam n lai hkro sai ni hpe go, pati jahpan shapro kau ya ra sai. Pati jahpan shapro kau ya ai go pati hpung gata na madang tso dik ai ari jo ai rai sai. Tsang shagu pati hpongchyom ni pati masha a pati jahpan shapro kau ya na rai jang, sengang laika hkrang ngau hte myit lu lam ni hpe atsom dinglik maram yu nna, mana maka sadi sahka ai hku galo ra ai. №42 Pati masha ni hpe asat tara shut ari jo na rai yang, dap kying zuphong gaba hta dinglun dodan nhtom, pati a lawu tsang salang rapdo de tang shana nna hkro ya shangun na. Lama manghkang masa loi na-du shing n rai shuk shanut, pati masha hpe pati jahpan shapro kau ya na ari jo jang, shingnrai ginwang tsang a lahte de pati a asat tara jep salang rapdo de tang shana nna hkro ya shangun na. Alak re masa hta go, ginwang tsang hte ginwang tsang a lahta de na tsang shagu pati a salang rapdo hte asat tara jep salang rapdo go pati masha hpe galang ta asat tara shut ari jo na ahkang lu ai. Pati a ginjo salang rapdo salang, shing nan rapdo salang ni hpe go, sadi ga jo, na-du sadi ga jo ai ari jo na, ginjo asat tara jep salang rapdo dinggrin mu gun salang rapdo ko nna jep yu ai hpang, pati ginjo de tang shon dat nna hkro ya ai hpang, pati ginjo de tsang shagu pati hpung na salang rapdo salang, shingnan rapdo salang ni hpe go, sadi ga jo, na-du sadi ga jo ai ari jo nna, lahta tsang na asat tara jep salang rapdo ni hkro ya nna, shi bung ai atsang na pati a salang rapdo de shon shana ra ai. Pati a ginjo salang rapdo hte buga tsang shagu salang rapdo dinggrin salang rapdo na salang, shingnan salang ni hpe, pati hpung gata na aya jahkrat kau ya, pati n shapro kau ai yu maram shing n rai pati jahpan shapro kau ari jo na rai yang, masha dai nga ai salang rapdo na hkumra zuphpong gaba hta htam masum na htam lahkong a lahta de na masha ni myithkrum lom jang she mai dodan ai. Hkumra zuphpng n hpo hpong ra ai shaloi go, ginjo mung masa gonhkang dap hte buga tsang shagu salang rapdo dinggrin mu gun salang rapdo ko nna lajang ladat shong dodan nna, salang rapdo hkumra zuphpong hpo hpong jang bai shateng shagrin dat mai ai. Buga tsang shagu salang rapdo na salang hte shingnan salang ni hpe lahta na ari jo na rai yang, lahta tsang asat tara jep salang rapdo dinggrin mu gun salang rapdo ni jep yu nna, ndai tsang asat tara jep salang rapdo ni bung ai atsang de na pati salang rapdo de shalai ya nna hkro ya shangun ra ai. Na-du ai hku hkyuk dam tara shut ai ginjo salang rapdo na salang, shingnan salang ni hpe go ginjo mung masa gonhkang dap ni ko nna pati jahpan shapro kau na hku dodan na re. Na-du ai hku hkyuk dam tara shut ai buga tsang shagu salang rapdo na salang, shingnan salang ni hpe go, rau tsang na salang rapdo dinggrin salang rapdo ko nna pati jahpan shapro kau ya ari jo na hku dodan na.