Chyang Fu Da go Yinkyang ginwang rapdo suthpom pati hpung hpaji jong na magam mu hkring sa mat sai suthpom pati hpung masha re, shi Sakhkung go maden ai ko n-gun atsam dat ai laman hta, Yinkyang Nongjang kumshu rin jak rung sum agrop mat wa hkyem nga ai hpe, shi zai nyan hpaji n-gun atsam woi dat nna, lu awai la sai hte rau, gumhpro bai lu tam jat lu ai jak rung shabyin shatai ton sai, Yinkyang ginwang rapdo suthpom pati hpung hpaji jong ko magam gun ai ten hta, kyet shop kunggat ai magam gun masha lo lo sharin shakung lai wa sai…… Chyang Fu Damagam yi-ngam shara 7 ko magam gun lai wa sai, shi go suthpom pati hpung masha langai mi galo du ra ai lam dum chye nga ai hte maren, pati hpung ko nna ap ya ai magam bungli lam shagu htep lahti rai galo u ai. Shi prat ting Sakhkung ga nga kau ai hpe n shut dum ai, shi hpe “Suthpom pati hpung shang ai 50 ning hpring” arong kumhpa jo jang, asak 90 jan ning rai sai Chyang Fu Da grai gabu let tsun ai: “Mungchying sha ni a matu galo ai bungli go gade puba tim gabu ai!” nga ai

　　Chyang Fu Da ning nga ai: Suthpom hpung maden sharot ton ai 100 ning hpring hkra hkrung nga jang go, ngai mung asak 90 ning jan sai, daini ngai n chye tsun hkra gabu nngai. Anhte suthpom pati hpung ni 100 ning laman jamjau grai hkrum sha lai wa sai, gram galai hpo galo hpang wa ai ko nna, suthpom pati hpung ni woion ai gata hta anhte mungdan ni lu su nga mai wa sai, mungchying sha ni ngui pyo ai nhtoi lu la sai. Anhte ndai pang na ni mung grai myit dik dum ai, ya daini go ngui pyo simsa sai, lai wa sai Miwa mung na labau hta daini na zon rai mungdan wumja ngang kang, mungchying sha ni shada myit hkram mang rum, hpong shingra simsa ngui pyo re nhtoi nau n nga yu ai. Dinghkung mu madu Si Gyin Hpyin tsun ai grai jo ai, mungdan lamu ga ndai go mungchying sha ni re, mungchying sha ni mung mungdan lamu ga hte bung ai, suthpom pati hpung ni matse gumshem ni a lata na mungdan lamu ga ndai gap di ton ai go mungchying sha ni ngui pyo simsa lu na matu re, anhte galo hkom sa na bandung go myit masin ma hkra hte, n-gun atsam ma hkra hte mungchying sha ni a matu akyu htam ya na, mung- chying sha ni a ntsa hta akyu sha shon jang go hpa bo bungli mung galo kam ai. Suthpom pati hpung ni woion ai gata hta she mungdan lamu ga lu gap di la ai, mungchying sha ni a ntsa hta akyu htam lu ai go suthpom pati hpung sha re, mungchying sha ni hpe lusu ngai mai wa shangun lu ai mung suthpom pati hpung sha re, kaga pati hpung ni n lu galo du ai. Anhte yong myit mang jom numhtan sharum jang she anhte a mungdan grau nna galu gaba wumja wa na re.