(Shata 11 nhtoi 17 ya na do)

　　№18 Ginwang tsang shingnrai shara hpo ton ai myu tsang mungchying sha asuya ni madu hkrai, shingnrai garum shado rungdap ni hpo ton ai gan shingpyi shara ko dinghku gata zingri zingrat hkrum masha hpe gan nga shangun na hku mai galo ai.

　　№19 Tara soi garum rungdap ni tara ko hkan nna dinghku gata zinngri zingrat hkrum ai masha ni hpe tara soi garum ra ai.

　　Mungchying sha tara rung ni mung dinghku gata zingri zingrat hkrum masha hpe shok lawa gumhpro gaungui bang sha- ngun, shagrit shayom ya, shingnrai n bang shangun rai na.

　　№ 20 Mungchying sha asuya tara rung ni, dinghku gata zingri zingrat ai mara mu jep lajang yang, balik hpyen hprai shapro ai matsing lam, sadi jo laika, ningma masa jep shagrin myit lu lam re sakse ko hkan nna, dinghku gata zingri zingrat ai byin teng masa mai dodan shapro ai.

　　№21 Yu gon masha ni dinghku gata zingri zingrat nna, yu gon hkrum masha a tara shang ahko ahkang akyu ara hpe laja lana hku shanyen hkra ya ai rai jang, mungchying sha tara rung ko nna, yu gon hkrum masha a sai ni jinghku, gat mare salang rapdo, mare salang rapdo, ginwang tsang mungchying sha asuya shawa akyu htam rung re seng ang masha, shingnrai rungdap ni hpyishon ai ko yu nhtom, tara hta hkan let, yu gon masha a yu gon ahkang dom kau ya nna, yu gon masha gaga bai masat shateng ya na.

　　Yu gon masha a yu gon ahkang dom kau ya ai zingri zingrat mu galo masha ni, bau lahku gumhpro, bau garum gumhpro, bau maka gumhpro re ni dingyang no jo ra ai. (Bai matut hti)