(Shaya 11 nhtoi 19 ya na do)

　　№22 Jakmu masha wunhpom, sut- hpom masa ramma hpung, shayi wunhpom, do hten masha wunhpom, gat mare salang rapdo, mare salang rapdo re ni go, dinghku gata zingri zingrat ai masha hpe tara hte daru sharin ra ai, ra ang jang go zingri zingrat masha, zingri zingrat hkrtum masha hpe myit jasat masa sharin matsun ra ai.

　　№23 Mu mabyin masha ni dinghku gata zingri zingrat hkrum, shing n rai zingri zingrat na hkrum sha hkyem re tengman hkrit makran lam nga nna, mungchying sha tara rung de masha hkum makop maga aming jahkrat na hku hpyishon ai ra jang, mungchying sha tara rung ni hkap lajang ra ai.

　　Mu mabyin masha ni mung shawa lit hkam atsam n rong ai masha, mung shawa lit hkam atsam lam shagyip ton ai masha, shing n rai dip shagui hkrum, jahkrit hkrum re majo, masha hkum makop maga aming jahkrat ya na hku ganing di n lu hpyishon ai rai jang go, shi a saini jinghku, shawa wunli makop dap, shayi wunhpom hpung, gat mare salang rapdo, mare salang rapdo, garum shado mu gon rung re ni hku nna mai hpyishon ya ai.

　　№24 Masha hkum makop maga aming jahkrat na hku hpyishon yang, laika man hku nna hpyishon ra ai, laika man hku hpyi shon na matu gaja wa yak ai rai jang go, n-gup aga hku nna mung mai hpyishon ai, mungchying sha tara rung ko nna ka ma- tsing la na.

　　№25 Masha hkum makop maga aming jahkrat ya ra ai zangmu hpe go, hpyishon masha, shing n rai hpyishon hkrum masha ni a nga shanu shara, dinghku gata zingri zingrat mu byin ai shara na lawu tsang mungchying sha tara rung ni gon na.

　　(Bai matut hti ga)