Madu dap shiga Shata 11 nhtoi 23 ya hte 26 ya lapran, mungdo gaba rapdo ganbu hparan dap, mungdo gaba rapdo pati hpung jong jep maram hpung ni anhte mungdo ko sa du nna, anhte mungdo na gabu sharin hpong hte pati hpung jong hpo ai gaja shadang jep maram yu ma ai.

　　Jep maram hpung ni hkrup mara san jep, matsing buk gale yu, sumhting laika ngau galap yu, san htai galo, sumla hkrung yu, madu hkrai maram la masa lam san shakyet yu re ladat lang nna, anhte mungdo na ganbu sharin hpong hte pati hpung jong hpo ai gaja shadang jep maram yu ma ai.

　　Jep maram hpung ni magam mu shon shana ai madat mara la, magam bungli galo shara hkan sa du hkom yu re hpang, anhte mungdo ni galo ton ai akyu nsi shateng shagrin ya ma ai. Jep maram hpung ni tsun ai, Sakhkung mungdo rapdo ni ganbu sharin hpong hte pati hpung jong hpo ai magam mu hpe akyak la nna galo nga ma ai, ginjo hte mungdo gaba rapdo ko nna ganbu sharin hpong hpo na matu hprai dat ai bungli ko hkan nna galo shatup hkrat wa lu masai, 《Ganbu sharin hpong magam mu tara》hte《Miwa mung suthpom pati hpung pati hpung jong magam mu tara》mung hkan shatup lu sai hte maren, bungli lit hpe kangka ai hte gun hpai nga ma ai, amyu myit hkrum, tu hkrung shingra masa gaja go maden, gahtong ninghton maden shangang, jarit shangang htingrep shakang re bungli ni hte gapyon nna,“Pati hpung a shingkang ningja mung htingrep de htongnan du, htingrep mungchying sha ni pati hpung hpe myit manoi nga”ngu ai shamu shamot bungli dingyang matut galo let, bungli lam shagu htu satsong hkrat wa nga ma ai nga ai.

　　Mungdo rapdo dinggrin salang, mungdo rapdo majan mansharum dap dap up, mungdo rapdo gabu sharin shapan rapdo mu madu Pau Myin Shun tsun ai, ganbu ni a mung masa myit jasat sharot ya nhtom, madu myit tsu rai no ningra ai lam lawan sharai kau shangun na ga ai, dinghkung mu madu Si Gyin Hpyin pati hpung jong hpo, ganbu sharin hpong hpo rai na hte seng nna matsun dat ai ga ko hkan let, mungdo gaba rapdo ni lajin ai lam galo shatup hkrat wa na ga ai. Bungli lam shagu hpe jo htuk ai hku matsun madun hkrat wa, ra rong ai manghkang lawan sharai kau shangun rai, hpungtang hpaji madang du ai, htung tara lang ai, grin nga lu sharin hpong byin tai hkra hpo galo hkrat wa na ga ai, pati jong hpe mung ganbu ni hpe sharin shaga, lam madun ya, gamung sharin ya, tara matsun rai, gaja shadang du ai jong hpo lu hkra shakut na ga ai nga ai.

　　Sagon yu yang, ndai lang jep maram hpung ni anhte mungdo ko du ai go, anhte mungdo ni《Ganbu sharin hpong magam mu tara》 galo shagrin hkrat wa ai masa lam, Si Gyin Hpyin a prat ningnan na Miwa alak nsam hpong shingra masa myit jasat woi sharin ai masa lam, 5 ning laman hta ganbu sharin shapan na soi sing magam mu galo shagrin hkrat wa ai masa lam, prat ningnan npot nhpang tsang gabu sharin shapan na soi sing magam mu galo shagrin hkrat wa ai masa lam, 2016 ning ko nna rai wa yang dinghkung mu madu Si Gyin Hpyin pati hpung jong hpo na hte seng nna matsun dat ai ga galo shagrin hkrat wa masa lam, mungdan pati magam mu zuphpong mungga galo shatup ai masa lam,《Miwa mung suthpom pati hpung pati hpung jong magam mu tara》hkan sa ai masa lam hte mungdan mungdo gaba pati hpung jong zuphpong mungga galo shagrin hkrat wa masa lam re ni hpe gumhpon nna jep maram yu ai re.