№30 Masha hkum makop maga aming a tara shang aten go shata 6 ko nna n mai lai ai, dodan shapro ai shani ko nna tara shang sai. Masha hkum makop maga aming tara shang aten lai mat na shong e, mungchying sha tara rung ni hpyishon masha a hpyishon lam ko hkan nna, dom kau, galai kau, shing n rai sharen ya na lam ni mai dodan shapro ai.

　　№31 Hpyishon masha ni, hpyishon lam n hkap la ai hpe n kut, shing n rai hpyishon hkrum masha ni masha hkum makop maga aming hpe n kut rai jang, dodan shapro nna tara shang ai shani ko nna nhtoi 5 ya laman hta dodan shapro ai mungchying sha asuya tara rung ni hpang de bai gahtap dinglun na hku mai hpyishon ai. Mungchying sha tara rung ni tara hta hkan nna masha hkum makop maga aming jahkrat na hku dodan shapro ai hpe go, gahtap dinglun ai laman hta raitim masha hkum makop maga aming dingyang rai galo shatup ra ai.

　　№32 Mungchying sha tara rung ni masha hkum makop maga aming jahkrat na hku dodan shapro ai hpang, hpyishon masha, hpyishon hkrum masha, shawa wunli makop dap hte gat mare masha salang rapdo, mare salang rapdo re seng ang wahpung wahpong ni hpang de sa sa ya ra ai. Masha hkum makop maga aming hpe go mungchying sha tara rung ni ko nna galo shatup na, shawa wunli makop rung, gat mare masha salang rapdo, mare salang rapdo re ni go garum shingtau lom ra ai. Do gaba 5 ubadi lit №33 Zingri zingrat masha dinghku gata zingri zingrat nna, shawa wunli gon tara lale ai rai yang, tara hta hkan nna shawa wunli gon ari jo na; Mara shut ging sai rai jang go, tara hta hkan nna hkyuk mara shagun na. №34 Hpyishon hkrum masha ni masha hkum makop maga aming tot lale nna,mara shut ging sai rai jang go, tara hta hkan nna hkyuk mara shagun na; Mara shut n ging shi ai hpe go, mungchying sha tara rung ko nna sadi jo na, sat lawat masa laja n laja ai lam hta hkan nna gumhpro lap 1000 a lawu de shawa adam jo nna, nhtoi 15 ya a lawu de gan hkyuk sharong na.

　　№35 Jong, ma shalet rung, tsi mawan rung, gat mare salang rapdo, mare salangrapdo, hpong shing-ra magam kyu htam rungdap, garum shado mu gon rung, akyu jashon rung re ni hte rungdap ndai ni ko na masha ni, ubadi ndai № 14 hta dodan ton ai hku nna shawa wunli makop rung de n shok ai majo, laja laja re mang hkang shabyin dat shangun ai ni hpe go, la- hta tsang gon madung ai rungdap, shing n rai tinang madu rungdap ko nna, ta tut mu gon masha hte gaga ta tut lit gun masha hpe a dam jo na.

　　№36 Dinghku gata zingri zingrat lam hpe ninghkap mu gon ai mungdan mu htam masha ni, magam tat kau, du aya hkrup mara jai, makoi magap akyu tam re ni hpe go, tara hta hkan nna ari jo na; Mara shut ging sai ni hpe go, tara hta hkan nna hkyuk mara lit hkam shangun na.