Madu dap shiga Shata 12 pro 3 ya shani, Nshon ginwang ni ana zinli htang maja lam hte seng nna shiga shabra zuphpong hpo ma ai. Shiga shabra zuphpong hta ginwang pati rapdo mu madu Jin Hung Yin Nshon ginwang ko byin ai ana lam tsun shachyen dan u ai.

　　Shata 12 pro 2 ya shani, Nshon ginwang Janghkong laprantsang jong na jongma lahkong ko sinkon sinwop ana mu jep shapro ai hte maren, ya jongma ndai yan hpe tsirung de sa bang kau sai nga tsun dan ai.

　　Ana ndai byin ai hpang, seng ang rung dap ni grai lawan ai hte ana byin wa ai npot nhpang jep, jongma ndai yan hte hkrum ganon ai masha 263 ni hpe hkan tam nna gang jahka kau shangun rai nga ai. Gang jahka shara ko na masha ni hpe Heson jep yu yang masha 18 ana kap hkra nga ai, ya masha ndai ni hpe tsirung sa bang kau sai. Ana byin ai hpang, Nshon Ginwang ni lawan ladan hte ana htang maja sa wa masai, mungdo gaba, madu uphkang mungdo ko nna woion hpung hprai shayu nna Nshon ni hpe ana gara hku htang maja sa wa na lam sa matsun madun nga ai.

　　Ya matut nna Nshon ginwang ni ja ai ladat, si mani ai ladat la shapro nna ana htang maja sa wa ma ai. Langai go ana byin wa ai npot nhpang jep. Lahkong go ana kap ai masha ni hpe tsi lajang. Masum go masha nga manga hpe Heson jep. Mali go lusha dut jo dut ya lam gon tek rai ma ai.

　　Ana byin ai hpang, shata 11 nhtoi 17 ya shani ko nna Nshon ko sa nga yu ai masha ni hpe tinang nga ai mare lok ko shiga jo nna Heson jep na hku tsun shana shabra rai ma ai.