Madu dap shiga Shata 12 pro 3 ya shani go mungkan dohten masha masat nhtoi re. Sakhkung mungdo hte Mangshi myu na dohten masha wunhpom ni Mangshi ko nambat 30 lang na mungkan dohten masha masat nhtoi shamu shamot lamang woi galo ma ai hte rau, lak 3 lang dohten masha lakmat gam galai ya ma ai. Shamu shamot lamang hta, mungdo hte Mangshi myu hkan na dohten masha gonhkang dap salang ni hte lit gun masha ni ndai lang lakmat galai ya ai lachyum tsun yan dan nhtom, lamang hta shang lom ai dohten masha ni hpe lakmat gam ya rai ma ai, shamu shamot lamanghta ndu lom lu ai ni hpe go nta ko nan sa nna hkan gam jo ma ai.

　　Shachyan ai hta chye lu ai, ndai lang galai na lakmat go shong na maisau lakmat hta nga yang, galo la n yak, kam ging, Awuima gata na madu a teng man shi sharat ni aten na na lu mazing bang ton re hta lai nna, shara lo lo hta mung mai jai lang re lakmat rai nga ai. Ya ten hta Mangshi ni mungdo gaba ko nna lakmat hpe galo shapro dingyang rai nga ai majo, dohten masha 10384 a lakmat galo ngut sai. Lakmat gata na madu hte seng ai shi sharat galo jahkum la jang go dohten masha ni hpe gam ya mai sai, lak 3dohten masha lakmat rai n lu galai ya ai laman hta go shong na maisau lakmat mung maren sha no mai lang ai. Lak 3 lakmat ndai go mungdo ting na lakung lama hte htuk ai dohten masha ni yong mai hpyi shon la ai hta n-ga, jahpu n hta ai galo ya na re, ndai shara na masha jahpan nrai jang go galo ai shaloi seng ang ai laika ngau ni shalai jo jang galo la mai ai. Sakhkung mungdo ni htaning lak 3 dohten masha lakmat hpe ma hkra galai kau na hkyem ma ai. Lak 3 dohten masha lakmat galo kau jang go, dohten masha ni a ahko ahkang hpe mung hkum tsup ai hku lu makop maga ya sai.