Madu dap shiga Shuili myu ko ana zinli hkron bra wa ai hpang, Sakhkung Yung chang tsora myit madun hpung ni ja gumhpro hte rung rai lahkon la nna tsomra lang garum lai wa sai, shakut sharang hpung woi zahpo la nna mung grai sa garum yu sai.

　　Ndai lapran, Sakhkung Yungchang tsora myit madun hpung hpung up Jau De Shun hpung masha nkau hpe woi nna Jegau mahkrai ko sa du nhtom, dai shara ko ana zinli htang maja nga ai mare makop hpyen la ni hte shakut sharang hpung masha ni hpe sa gawan ai hte rau, hpalap makai 130 jan hte maisau, hka re ni sa jo da ma ai. Dai hte rau, Sakhkung Yungchang tsora myit madun hpung ni go, Shinjin muyen suzi hpaga dap Yinnan dap ran ni Jegau gonhkang rapdo de shagun dat ai palong 150 hpe Shuili sinpro maga lam lai shabrai hta shara na sa la nhtom, palong hpe ningtuk sat kau nna, Jegau gonhkang rapdo magam gun masha ni hte ana zinli htang maja magam gun masha ni a ta ko sa ap ya sai.

　　Matsing ton ai ko chye lu yang, Sakhkung Yungchang tsora myit madun hpung ni maning shata 9 ko nna shata 11 nhtoi 30 ya shani du yang, shong hpang rai Chau htung na Shuili de sa garum ai balik hpyen la, Kyinchin tsi rung na ana zinli htang maja nga ai tsi sara, Shuili myu Mangling mare Ho-nung hka rap gahkan ana zinli htang maja gik hkap shara na magam gun masha, Shuili myu Kongnung ana zinli htang maja gik hkap shara na magam gun masha, Jegau mahkrai ana zinli htang maja gik hkap shara na magam gun masha re ni hpe sa gawan da ma ai hte rau, gumhpro lap 122000 ging ai hpalap, hka, maisau re ni sa jo ma ai.