Madu dap shiga Shata 12 nhtoi 13 ya shani, Nshon ginwang sinkon sinwop ana htang maja reng hkang dap ni dup sumru yu nna, Nshon myu mare ko nambat 5 lang Heson jep na hku dodan masai. Ndai lang Heson jep na masha go dingyang nga shanu ai masha, Nshon hkan sa nga hkom ai masha hte Myen mung masha ni yong rai na re. Heson jep shara go lit la ai rungdap ni masat nna woi jep na re.

　　Shi sok masha Heson jep ai shara ko mung shawa masha ni shada mita 1.5 gang hkat nna tsap dingren nhtom, langai hte langai He son jep nga ai hpe sa mu ai, n mai shamu hkom mat nna heson n sa lu jep ai ni hpe go, lit hkam masha ni tsi sara ni hte matut la nna, nta ko sa woi jep ma ai.

　　Nshon ginwang padi rapdo mu madu ningtau Li Hkyi Hua tsun ai: Masha langai mi pyi n hkrat hkra jep ra ai majo, anhte a lit hkam masha ni mani ko nna htinggo masha nga n nga sagon hpang wa sai hku re, dai ni go anhte nta htinggo 8 ko shang sagon ngut sai nga ai. Heson jep yang hpa manghkang n pru na matu mung, lit hkam masha yong mayong hpe mu hprai ya, tinang a lit kyen shop hkra galo na hku hprai ton sai.

　　Nshon ginwang Janghkong gat mare na shawa masha langai tsun ai:Anhte myu mare na masha re majo, asuya ni a tara hta hkan nna, Heson jep shagu lom ai, ana zinli lawan hkoi tsai mat na hpe myit mada ai, shaloi she shawa masha ni a nga pra lam ngui pyo wa na re nga ai.