Madu dap shiga Shata 12 nhtoi 15 ya shani, Mangshi ni Mangshi pyada dap ko 2021 ning hpyenla dingsa dung jahta hpong hpo ma ai.

　　Zuphpong hta madun tsun ai, ya yang hpyenla la nga ai ni mi rai rai, hpyenla dingsa ni mi rai rai, mungdan makop maga na lit gun ai ni hkrai re, buga de n htang wa, jong de n htang re hpyenla dingsa ni hpe hkap hkalum tau la ra ai, shanhte hpe pati hte asuya ko nna lanu lahku nga ai lam hkam sha shangun let, bungli kaga bai gun hpai na matu garum shingtau la rai, hpong shingra na bungli lit shagun ra ai, hpyen magam n gun mat tim hpyen dap na ron lai gaja hte, prat ningnan hpong shingra masa go maden ai magam mu hta atsam dat shangun ra ai nga ai.

　　Zuphpong hta matsun dat ai, rungdap shagu ni mung masa myit jasat hte, hpyenla dingsa ni hpe hkap tau hkalum la ai bungli htep lahti galo ra ai, bungli galo na shara shalat nna, hpyenla dingsa ni hte htaphtuk ai bungli tam ya rai, magam bungli galo ai ko madi shado garum la, bungli n lu mat jang hkan garum la rai ra ai. Hpyenla dingsa ni bungli tam galo, magam mu ningnan shalat rai shakut shaja ai hpe n-gun dat nna hko shabra, shawa masha ni yong hpyenla dingsa ni hpe hkungga ra ai hte rau, hpyen la dingsa ni bungli tam galo, bungli ningnan shalat re ko hkan madi shado garum la ra ai. Jom pong nna galo, tinang a lit atsom gun hpai re ladat lang nna, hpyenla dingsa hkap tau ai bungli ndai hpe atsom galo ra ai nga ai.