Madu dap shiga Shata 12 nhtoi 14 ya shani ko nna, Mangshi ko gumhpro n dip ra ai ewuima htong nan la nna jon hkom mai ai bo dat sengke lang hpang wa sai majo, shawa masha ni a hkomsa hkomwa grai manu mat wa sai. Rai yang, shawa masha ni dai zon re dat sengke hpe ganing di jon lang na hte sadi ra ai lam ni hpe shisok masha ni ning nga tsun htai dan ai:

　　Ndai lang Mangshi ko lang hpang wa ai dat sengke go Muihton hpaga dap hte Sinchi hpaga dap ni jom pong galo ai re, Mangshi myu gata ko matut manoi rai dat sengke 5000 sa bang ton na hkyem ai, shingrai dat sengke dai ni go shawa masha ni a ntsa hta akyu jashon lu, myu gata sanseng lam makop lu rai na matu, sengke langai mi lakmat langai re shadang sharam kau ai ladat hte yu hkang na hku re.

　　Jon Manu hte lang ama hkam gumhpro mari na lam Mangshi e lang bang wa ai dat sengke yong go madang tso ai sengke ningnan hkrai re, jon yang hkrit tsang ra ai lam n nga ai hta n-ga, la ma sengke hten mat jang ta chye-nan hte seng ang ai masha ni hpe matut mahkai mai ai, shani shana hkying hkum 24 tup mai gram ya ai.

　　Sengke hpe masat ton ai shara ko jahkring ton jang rai sai