Madu dap shiga Shata 12 nhtoi 20 ya shani ko nna,“Shosi hkyanggo”Sakhkung Sharin pinra lang hpang sai, anhte mungdo na“Shosi hkyanggo”sharin mu ninggam ningnan mi bai lu lung sai.

　　Mungdo rapdo dinggrin mugun rapdo salang, mungdo rapdo hko shabra dap dap up Jau Tung Mui sharin pinra lang hpang masat hta sa du ai hta n-ga, mungga ahkyak sa shaga ai.

　　Jau Tung Mui tsun ai,“Shosi hkyang go”Sakhkung sharin pinra lang hpang ai go anhte mungdo ni sungchyung ai hku nna Si Gyin Hpyin a prat nnan Miwa mung alak nsam sup ai hpong shingra masa myit jasat sharin hko shabra shachyam galo shatup ai ahkyak ladat rai nga ai, anhte mungdo ni munglun sharin hka-ja nna prat nnan hta pati a munglun ningnan lang shachyam ai akyu nsi gaja langai bai rai sai, mungdo rapdo, mungdo asuya ni myit jasat ningnan hte lam woi matsun shatai nna, ningsam ningnan jahpo ai kumla re. Mungdo ting atsang shagu rungdap shagu ni n-gun ja ja dat nna “Shosi hkyanggo”Sakhkung sharin pinra atsom galo, n-gun jom dat, ladat jom sho rai, lak nsam rong, shatang madang gaja ai hte sharin pinra maden gaja ra ai nga ai.

　　Jau Tung Mui matsun ai, hpo maden, yong shang lom, sharin pinra hpe atun amasa di galo mat wa ra ai, rungdap shagu jom galo, mu lam shagu n-gun gahkyin, amyu shagu jom myit hkrum rai, shatang madang tso ai laika ngau hte pinra a akyu jashon, pati labau sharin hkaja ai hte gapyon rai, myit mang langai hte lak nsam rong ai hku, yong ra sharong ai myit jasat sharin pinra shabyin ton nna, Sakhkung na maumui hkai gaja, Sakhkung na nsen shabra gaja rai Sakhkung nsam shadan gaja ra ai nga ai.

　　Zuphpong du lom ai salang ni“Shosi hkyanggo”sharin pinra laika ka hpung hte ginwang myu shagu na“Shosi hkyanggo” Sharin pinra shi htinglet gok ni hpe mying masat pa ap ya ai hta n-ga, nampan bolung jom shachyai hpang dat nna“Shosi hkyanggo”Sakhkung sharin pinra lang hpang sai nga hko shana dat sai. Sagon chye lu yang,“Shosi hkyang hkyanggo”Sakhkung sharin pinra hta ya yang,《Daini na Sakhkung》《, Pati labau sharin》,《Myithkrum Sakhkung》,《Sakhkung ga》, 《Ginwang tsang shiga gumhpon rung》re lamang hpo ton sai.