Madu dap shiga Shata 12 nhtoi 24 ya shani, Shuili myu ni sinkon sinwop ana zinli htang makop shiga shabra hpong hpo ma ai, zuphpong hta Shuili myu ko nna pru shang yang lang ra ai tara masat ni tsun shabra ma ai.

　　Zuphpong hta shana dat ai: Shuili myu ni ya yang ana htang ai lam hta“Ana n kap hkra galo du sai”hku rai nga ai, raitim ana gontek lam go grai no shaja ra ai, matut nna mung ana htang lam hta galo gaja ai magam nsi hpe shangang shakang ding yang rai ra ai, “Shinggan de nna shang wa na pat shingdang, shingwang gata hkron bra na htang, shinggan de n bra pru shangun”na, dai hta n-ga mung shawa masha ni a sak sumri hte hkamja wunli lam makop maga, ana zinli htang tek lam hte gapyon nna hpong shingra rot jat lam hta mung ladat 10 sho shapro da ma ai, Shuili ko nna pru wa na masha hpe masat masa hkan nna aten hte hkrak galo ya sai. Ga shadon: Shuili myu ko nna pru wa ai masha a ewuima htoi nsam sha n rai, jarit makau na masha n rai jang go, masat ton ai shara ko n koi gang la ra sai, nta ko 7 ya yu gontek jang mai sai, jarit makau na masha rai jang go masat ton ai shara hta 7 ya koi gang kau, shingnrai nta ko 7 ya yu gontek jang mai sai. Mare lok hku nna, ana n byin ai aten hta yu gon jang grau teng man, grau masan sa hkra lu gonhkang ai nga ai.

　　Mungdo ana zinli htang makop tek gon ginjo na mu madu Han Zi Chyu, Shuili myu ningtau myu up Yang Mu ni Shuili myu ana zinli gontek ai masa hpe atsom maram yu rai, hpa majo Shuili ni kaga mung jarit chyinghka lam hta nga yang gonhkang tara grau shaja ra ai lam hpe htai tsun dan rai ma ai.