№8 Madu uphkang mungdo tsang shagu mungchying sha asuya ni, hkaimu gahtong lu hka go maden gap ai hte makop maga gon lajang mu atsom galo ra ai, ginra masa hta hkan nna myu mare buga gahtong hkan ginhkyom yo shada ai hku hka gahkyin shalen jo ra ai, ahkrang gaji, abrun abra rai hka shalen jo ai shara shayom shagrit kau rai, hkaimu gahtong hka lu ai lam sharai jahkrak ya ra ai.

　　№9 Madu uphkang mungdo ko nna lu hka npot makop shara garan masat ai htung lai lang sa wa na. Lu hka npot makop shara hpe tsang 1 makop shara, tsang 2 makop shara hte makop hkyem shara ngu garan ton ai.

　　№10 Lu hka npot makop shara garan masat sharai lajang na lam go, ginwang (Myu) mungchying sha asuya ko nna seng ang ai rungdap ni hpe zahpo la nhtom, mungdan a seng ang ai ubadi tara masa hte hpaji ladat masat shagrin lam ko hkan nna masa ladat tsun shapro na, dai hpang dodan ton ai lamyi lahkam lam hku shon shana ahkang hpyi la nna galo shatup sa wa rai na.

　　Hkaimu gahtong hkan na abrun abra re lu hka npot hpe go, ginwangdo (Gat mare) mungchying sha asuya ko nna ram do sha re makop shingwang woi garan masat na, dai hta n-ga, hka gahkyin shalen jo ai hka pot makop shara a seng ang dodan lam ko hkan nna gon lajang na