Madu dap shiga Shata 12 nhtoi 24 ya shani, Dasinshu sinnyen chyikya Mangshi Kyin hku hkyo gat lok nambat 54 ko hpo hpang dat sai. Sinnyen chyikya go Mangshi myu na ramma ni a matu ponghpom kyu htam ya, ramma ni hpe woi gahkyin gumdin mazum, matut mahkai kyuhtam lam hta shara ningnan langai bai shalat ya lu sai.

　　Mungdo rapdo ningtau mu madu Hu Shau Chen, mungdo ningtau du Wang Yi, mungdo mung masa bongban dap ningtau tingnyang up, mungdo jakmu wunhpom dap tingnyang up Yang Yen ni mying dazik noi shakap madat hpong sa lom ma ai.

　　Dasinshu sinnyen chyikya Yinchawu gahpri seng go mungdo rapdo ramma hpung, mungdo jakmu wunhpom dap, mungdo hkaimu gahtong gon dap, Yinchawu gahpri hpaga rung ni jom go maden ai re. Madung go hpaga galo ai ramma ni jom pong galo na pinra, magam bungli tam re ramma ni a matu chyam dinglik shara, madu htinggyeng sut hpaga wunhpom hpung mazum kasi shara ni masat ya rai, lachyum madung go Dasinshu sinnyen chyikya ginjang ko lade nna, ramma lakying hpung go maden lam hpe gahpri magam hte matut mahkai, ding- hkrai sut hpaga rung mazum hpung go maden kasi ko lade nna, ramma ni a tsam marai shadan shapro, Sakhkung na hkrang gaji gahpri hpaga magam majan jat sa mat wa rai na matu re.

　　Dung jahta hpong hta, Hu Shau Chen tsun matsun ai.“Ramma ni hpe myit dum shangun, sa kam shangun, nga to nga shangun”na madung muhtam ladat hte e, Sinnyen chyikya hpe atsom hpo galo sa wa ra ai, kyet shop ai hte ramma ni hpe kyuhtam ai lam maden sa wa, ramma wunhpom hpung mazum ton, ramma ni a matut mahkai pinra galo ton ya, shinggan de kyuhtam na n-gun ding yang jat shaja rai,“Dasinshu sinnyen chyikya”ginra ndai hpe atsom jai lang sa wa na hku nga ai.“Hpaga rung majan jat lam ko akyu htam, ramma ni a ra gadon lam akyu htam”ngu ai bungli hpe madung dat rai, ramma hpung bungli hte hpaga rung madung bungli ko lade nna, madu dinghkrai sut hpaga mazum hpung go maden kasi galo gaja, mungdo ting na magam majan jat lam hta ramma ni atsam marai la shapro shangun lu hkra nga ai.

　　Yinchawu gahpri seng na lit hkam wa tsun ai, ramma hpung gomaden bungli hte hpung magam hpaji ni atsom sharin hkaja ra ai. Dai hte rau, hpaga rung shingra sut hpe pong ginhkyom dat, hpong shingra lit mara hkam, kyet shop ai hte ramma ni hpe hpong shingra magam shang lom shara masat ya, masha lo malo ni gahpri hpaji sharin la rai na shara masat ya rai, ramma ni madu tsu akyu htam shamu shamot hpo galo sa wa na hku re nga ai.