Madu dap shiga Shata 12 nhtoi 25 ya shani, 2022 ning na shoshiyen-gyusheng jongma san poi san hpang sai, jongma ni sanpoi atsom lu san, jongma ni a hkamja wunli lam atsom lu makop ya rai na matu, Yinnan mungdo gaba ni Sakhkung mungdo Mangshi ko sanpoi san shara ndai galo jat ai re, ndai go Sakhkung mungdo hta nambat langai lang no rai nga ai.

　　Sanpoi san ai jahpot, jongma ni garum masha hte wunli makop masha ni matsun ai hku ewuima htongnan, gahtet gatsi shadang shadon, sanpoi san lakmat sho madun, hkamja ewuima tsit nsam madun rai sanpoi shara de shang wa ma ai.

　　Sagon chye lu ai, Sakhkung hta sanpoi san ai jongma yong marai 566 du ai, sanpoi shara hpe Mangshi nambat langai lapran tsang jong ko masat nna, sanpoi shang jong gok 28 lajang da nna, gok 22 go mayu na sanpoi san gok, gok 2 go laksan sanpoi gok, gok 3 go gang jahka sanpoi shara hku hkyem ton rai, gok 1 go gang jahka yu maram gok rai nga ai. Mungdo ting ko rai yang Sakhkung nambat langai amyu lapran tsang jong hte Lengho ginwang nambat langai lapran tsang jong ndai shara 2 hta go sanpoi san shara no hkyem da ai. Nau hkyem lajang da ai shara 2 ndai go Mangshi nambat langai lapran tsang jong ko na hku galo lajang ton sai.

　　Ya yang Sakhkung mungdo na seng ang rungdap ni sanpoi san lamang hpe dat shing wang hku nna, sanpoi san na aten nhtoi shong 14 ya hta hkamja lam jep, ahkyak mu n nga yang kaga shara de n hkom rai na hku tsun shadum jahprang, shingrai sanpoi aten sanpoi atsom lu shang na matu seng ang ai matsun hku shajin nga ai re nga ai