№11 Ginwang (Myu) mungchying sha asuya ni, garan masat ton ai lu hka npot makop shara hta lamu ga jarit masat kumla hte sadi jo masat kumla galo ton ra ai, dai hta n-ga, lu hka npot makop shara shingwang gata na ahkyak ginra ni hta htang maja singhkrang ni mung no galo ton ra ai.

　　Gadai rungdap mi rai rai, gadai masha mi rai rai, lu hka npot makop shara hta galo ton ai lamu ga jarit masat kumla, sadi jo masat kumla, htang maja singhkrang re ni hpe jahten shaza kau, ka galai kau, shingnrai tinang kam mara rai htot sit kau re lam n mai galo ai.

　　№12 Ginwang (Myu), ginwangdo (Gat mare) mungchying sha asuya ni, lu hka hkyem lang npot gomaden ton nna, gajong gaja re mu byin jang hka gan lu lang na hku ama hkam ton ra ai hta n-ga, lu hka npot makop shara a seng ang ai dodan lam ko hkan nna gon lajang ra ai.

　　№13 Lu hka npot makop shara garan masat, shingnrai sharai lajang ra ai majo, mung masha, ubadi lit hkam masha, shing nrai gaga wuhpung wuhpong ni a tara shang ahko ahkang akyu ara hpe jasum hkra ya ai rai jang, tara hta hkan nna gumhpro gapa jo ra ai.

　　№14 Lu hka npot na hka shadang madang go, mungdan dodan ton ai lu hka shadang madang ko du ra ai.