(Shata 12 nhtoi 31 ya na do)

　　№15 Lu hka npot makop hkyem shara shingwang gata hta lawu na lai masa n mai galo ai:

　　(1)Hka hpe maza hkanu hkra chye ai bo gomaden mu lamang nnan galo, galo jat, shing n rai gomaden mu lamang gram galo nna maza hkanu rai shalui shapro jat re lam n mai galo ai;

　　(2)Hka pot shara hkan jakmu lam de na maza pa, myu na maza rai, jit hkyi hte gaga gabai kau sai rai ni sa ru bang re lam n mai galo ai;

　　(3)Agung tsi rai, nhprang sau jahkai hte ningtuk rong masha hkum hpe sharim hkra chye ai bo nhprang rai ni htun mahkong ton ai shara, nga pra lam hta na maza mala rai, jakmu lam de na n ra mat sai gumdin rai, n ra mat sai hkrit makran rai re ni sumpum ton ai shara hte htot garot dap n mai galo ton ai

　　(4)Ga gata ko galo ton ai nong, ga gata ko galo ton ai nhkun, ga gaprang hka, shing n rai lungpu re hku nna ningtuk rong ai maza hkanu hka, ana ganu rong ai maza hka, shing n rai gaga gabai kau sai rai ni shalui bang, ru bang re lam n mai galo ai;

　　(5)Hka madi hkra ai tsang na lakran hku, ga gaprang hka, lungpu, n ra mat sai nhprang nhkun re hkan sau jahkai, htong sharim hkra chye ai bo rai jahkai, ningtuk rong masha hkum hpe sharim hkra chye ai bo agung tsi rai, hkaimu tsi re ni htun mahkong ton re lam n mai galo ai;

　　(6)Tara tot lale nna ningtuk na-du ai bo agung tsi rai, shing n rai gabai kau sai hkrit makran rai hto garot ai li sanghpo, modo ni lai hkom re lam n mai galo ai;

　　(7)Lu hka npot makop maling, hka hkin-gau makop maling hte gaga tu hkrung jahkai ni hpe nnan n galai, n madat ai hku kran sharu, shing n rai jahten shaza re lam n mai galo ai;

　　(8)Hka pot makop atsam nau n nga ai bo lap sen hpun jahkai hpe hkrangman gaba ai hku hkai shalat re lam n mai galo ai;

　　(9)U wa yamnga yo rem shara n mai galo ai;

　　(10)Ningtuk na-du ai hte tsi n-gun rong nan nga ai bo hkaimu tsi lang re lam n mai galo ai;

　　(11)Bom tsi, ningtuk tsi, dat jak re ni hte nga rim sat re lam n mai galo ai;

　　(12)Ga gata de hka shalui bang nna, hka shadang madang jahten kau re lam n mai galo ai;

　　(13)Maling shaza nna yisun hkauna wo galo, nhprang sut rai tam sok htu sho, zaibru htu sho, nlung la, aga la re ga gata na hka ni hpe manu mana abai hkra chye ai lam n mai galo ai;

　　(14)Dusat mang gabai ton, shing n rai htu lup ton re lam n mai galo ai.

　　(Bai matut hti ga)