№26 Madu uphkang mungdo, ginwang (Myu) mungchying sha asuya ni, tinang uphkang shingwang gata lu hka npot maza hkanu hkra ai manghkang mu gan htim lajang kau na mahkyem ladat woi galo masat ton ra ai, dai ko gan lang ra ai rungrai ni shalom bang ton, gan htim lajang na laksan wahpung masat ton rai ra ai.

　　Lu hka npot makop shara na ginwang do (Gat mare) mung- chying sha asuya hte seng ang ningsang magam dap, hpaga dap re ni mung lu hka npot maza hkanu hkra ai manghkang mu gan htim lajang kau na mahkyem ladat do masat ton nna, ginwang (Myu) seng ang mu gon madung ai rungdap ni hpang de shon shana hkyem mazing ton shangun ra ai hta n-ga, hpyishon ton ai lam ko hkan nna, gajong gaja re mu gan htim lajang na hku hkyem ton, manghkang mu gan htim lajang na matu shalik shaman ton rai ra ai.

　　№27 Gajong gaja re manghkang mu byin nna, lu hka npot hpe maza hkanu hkra, shing n rai maza hkanu hkra wa chye re mang- hkang mu hpe go, manghkang mu dai shabyin dat ai rungdap ni gan htim lajang kau na mahkyem ladat lawan wan sharot lang sa wa ai hte rau, lawan wan gan htim lajang kau ra ai hta n-ga, dai shara na ginwang (Myu) tsang a lahta de na mungchying sha asuya shingra htingwan makop mu gon madung ai rungdap ni hpang de shon shana ra ai. Shingra htingwan makop mu gon madung ai rungdap ni, shon shana lam hkap lu la ai hpang, tinang tsang mungchying sha asuya ni hpang de lawan wan shon shana ra ai hta n-ga, seng ang rungdap ni hpe mung no shana dan ra ai.

　　Gajong gaja re manghkang mu byin nna, lu hka npot hpe maza hkanu hkra, shing n rai maza hkanu hkra wa chye re manghkang mu hpe go, dai shara na mungchying sha asuya ni sharum jahko ton ai gan htim lajang kau na mahkyem ladat lawan wan sharot lang sa wa nna, hka lu htok jo na hku ama hkam ton ra ai; Lu hka npot maza hkanu hkra ai manghkang mu dai uphkang shingwang hta tot lai ai rai jang go, maza hkanu hkra wa chye ai shara na mungchying sha asuya hte yong a lahta tsang na mungchying sha asuya ni hpang de seng ang byin masa lawan wan shana ra ai.

　　Do gaba 5 ubadi lit

　　№28 Hka magam gon madung ai rungdap, shing n rai gaga seng ang rungdap na mu htam masha ni tara lamyi ndai tot lale nna, lawu na zon re lai masa langai mi rong ai rai jang go, shi nga ai rungdap shing n rai lahta tsang gon madung ai rung dap ko nna aming hte sharai kau shangun na; Sat lawat laja lana re ni hpe go, lit hkam gun ra ai gon madung masha hte gaga ta tut lit gun masha hpe tara hta hkan nna adam jo na; Mara jo ram sai ni hpe go, tara hte tup hkyuk mara shagun na:

　　(1) Tara hta hkan nna lu hka npot makop shara garai n garan masat, shing n rai garai n sharai lajang re ni hpe rai na;

　　(2) Lu hka npot makop shara na mu lit hkam masha n lu shateng ai maza hkanu mu lam hpe, ladat la shapro nna lawan wan n lajang kau re ni hpe rai na;

　　(3) Lu hka npot hpe laja lana hku maza hkanu hkra, hka htok jo ai lam hta sharim hkra re hkrit hpa manghkang mu byin ai lam hpe, gan htim lajang kau na mahkyem ladat lawan wan n sharot lang ai majo, hka n lu htok jo mat re ni hpe rai na;

　　(4) Manghkang mu shing n rai gajong gaja re manghkang mu byin nna, lu hka npot hpe maza hkanu hkra, shing n rai maza hkanu hkra wa chye re hpe, mungdan hte mungdo gaba seng ang dodan lam hta hkan nna gan htim lajang kau na ladat lawan wan n la sha- pro re ni hpe rai na;

　　(5) Kaga du aya hkrup mara jai lang, magam tat kau, tinang akyu tam re lai masa ni hpe rai na.