Wa ko awo shang yang ladi pyik, myi prui anyep pru, gahtet, bo machyi, jahkro gajong gaja machyi wa rai nga ai. Ana dai go htingra ta, yi-nam ta, nmut ta, ginhtong ta hkan chye byin wa nga ai. Ya lawu de tsi lajang ladat tsun yan dan na.

　　1. Gaubong hpro hke 25, gala hpalun hke 25, shanam ga- tsing hke 20 ni hpe shadu la nna, shani shanang jahpot hte shana de galang lang jo na.

　　2. Tsisu(紫苏) hke 30, zhang-etsi(苍耳子) hke 25, Ho shang(霍香) hke 35 ni hpe shadu la ai hpang, jahpot shana e galang lang jo na.

　　3. Kanzhau(甘草) hke 15, Chonsinlen (穿心莲) hke 10, tsamon pan hke 15, hkranghkyi pot hke 40 ni hpe shadu la ai hpang 5 ya matut shayan nna jo na, lani mi lahkong lang jo na.

　　4. Maihpang si lap hke 20, kyin-yin hua (金银花) hke 15, la-son hke 30, maidung (麦冬) hke 12 hpe shadu la ai hpang, lani mi 2 lang jo na, 4 ya shayan nna jo na, tsi ndai go wa, shangma jahkru ai hpe laksan tsi lu nga ai.

　　5. Makpyikbom hke 10, gonjung (贯众) hke 12, kanzhau hke 10, guiji (桂枝) hke 15 hpe shadu la nna, lani mi galang jo na.

　　6. Mabyenzhau (马鞭草) hke 200, sang-ye (桑叶) hke 300, zhinhpyi (阵皮) hke 100 hpe shadu la ai hpang, lani mi 2 lang jo na, 3 ya matut nna jo yang grau mai ai.

　　7. Shichanghpu (石菖蒲) hke 15, hpaifunghtin (排风藤),shahkuzhau (厦枯草) myu mi hke 20 tsamon pan hke 50 hpe shadu jo na, lani mi 2 lang jo lu yang grau mai nga ai.

　　8. Hpu gung-yin (蒲公英) hke 50, htingge hke 100, son- hkyung (川芎) hke 150 hpe shadu jo na, lani mi 2 lang jo nna 5 ya shayan jo lu yang grau mai nga ai.