Ningshung makok si hta htang, wuisinsu, nhprang rai re bonu ra gadon ai lusha dat n-gun rong ai hta n-ga, grau ahkyak ai sin mung no rong nga ai. Nong e ningshung makok si sha shing nrai ningshung makok si ntsin shup lu yang, sai tso ana lu masha ni a matu akyu rong ai.

　　1. Kan chyip

　　Mahtang ningshung makok si go kan hkaran ai hpe shachyip ya ai akyu rong ai. Shani shagu jahpot hte shana hta kan gaman ko ningshung makok si langai sha yang, kan hkaran ai mai wa lu sai, ntsin mase ai rai yang, ningshung makok si hpe hka hte shadu la nna jahku hte galang sha kau yang mai ai.

　　2. Kan hkrang

　　Ningshung makok si sha yang pukan shamu shamot ai hpe shadut dat ya, ahkyi shakya ya, ahkyi htok shapro kau loi rai chye ai, dai majo ningshung makok si sha yang kan sa loi, kan chyat ai tsi shamai lu ai. Ningshung makok si hpe ju jahkut sha yang mai ai.

　　3. Chyahkri rai nang ai htang maja

　　Num ni ma hkum ten hta kro n pyo yang, ningshung makok si sha jang gahtet n-gun, wuisinsu re lu jat la ai hta n-ga, madon hkrai madon ai majo byin wa ai chyahkri rai nang ai hpe mung no tsi shamai la lu nga ai.

　　4. Sai tso ana htang maja

　　Nong e ningshung makok si sha shing nrai ningshung makok si ntsin shup lu yang, sai tso ana lu masha ni a matu akyu gaba ai. Sai tso ana lu masha ni shani shagu kaga rai n sha ai sha, ningshung makok si hkrai hke 300-400 sha ai aten 5 ya rai jang sai nyem yu wa lu sai. Salum sai lam ana hte hpum ana htang tsi mayu yang ningshung makok dui sha yang gaja ai.

　　5. N-gup mu, ma gaba wa lawan

　　Ningshung makok si ma gasha ni gaba kung wa loi ai hta n-ga, ma gasha ni hkum mago ana mung no htang maja lu nga ai.

　　6. Hpum shagrit

　　Ningshung makok si go masha hkum hkrang gata hta bum rong nga ai sau hpe garan kau ya lu nga ai, nong e ningshung makok si sha yang hpum ana htang maja kau lu ai. Hkum hkrang hta sau nau lo dinglai ai ni, ningshung makok si hkri sha ra ai.

　　7. Sai gata ana htang tsi

　　Nong e ningshung makok si sha yang sai jat, myi man hpro hkalung tsom wa lu ai, dai majo sai gata ana lu ai ni a matu tsun ga nga jang, ningshung makok si sha yang tsi tsi garum ai akyu rong ai. Ningshung makok si hte sai gata ana tsi lajang yang gatsing sha tim mai ju jahkut sha tim mai ai.

　　8. Ginsa htang

　　Ningshung makok si hta rong ai gai hte wuisinsu E go, jit jen myi man shatsom ai akyu rong ai, shing rai nna ginsa htang maja lu nga ai.

　　9. Jit dui ana htang maja

　　Ningshung makok si go tan-guchun jat tso wa na hpe htang maja, sai ko na ahtang shagrit sharom kau rai lu nga ai, ningshung makok si loi sha yang jit dui ana htang tsi ai akyu loi rong ai. Jit dui ana tsi lajang na rai jang ningshung makok si hkri sha ra ai.