Hkaimu tsi ko nna byin pru wa ai maza ni go lawu na 6 re:

　　① Hkaimu tsi nbung nsa hpe maza mala hkra ai. Gat ai shaloi na atsi hkyep ni go lamu ntsa ko wa wam to nga shing nrai hkai nmai hku nna salu pru wa, hkaimu tsi jak-rung hku nna shapro dat ai maza mala ni yong go nbung nsa na maza wa tai chye nga ai.

　　② Hkaimu tsi hka ko wa maza hkra ai. Hka gata na shingtai shingko ni htang maja na matu gat bun ai hkaimu tsi, hkai nmai hta gat ai tsi ni, marang ntsin hte hkaimu tsi rong ai lamu ga shing nrai jak-rung na maza mala ni hka de shalen bang dat re lam ni yong go hka maza wa na npot nhpang ni hkrai re.

　　③ Hkaimu tsi lamu ga maza hkra ai lam. Lamu ga de hkrat bang ai hkaimu tsi shing nrai lamu ga na shingtai shingko sat tsi ni go, lamu ga maza hkra wa ai kahpang madung rai nga ai.

　　④ Hkaimu tsi lusha hta maza hkra wa ai lam. Dusat tu hkrung rai ni tu gaba wa ai laman hta nbung nsa, aga, hka hte si lau na hkaimu tsi e maza hkra la ai.

　　⑤ Hkaimu tsi hka gata na hkrung rai hpe jahten shaza hkra ai lam. Hkaimu tsi hka hpe maza hkra ai nga yang hka gata na hkrung rai ni hpe mung jahten shaza hkra nga ai, grau nna go nga jahkai hpe maza hkra nga ai.

　　⑥ Hkaimu tsi u jahkai hpe wa hkye hkra wa ai lam. U jahkai ni hkaimu tsi rong ai U shat ni sha hkrup nna, tsi ni hkum gata e rong to nga nhtom, brat wa na lam grit yom mat ai sha n-ga, si mat ma wa, bai nkau go ningtuk rong sai u jahkai rim sha hkrum nna madu mung na si mat wa rai nga ai. (Gale ai Nhkum Bok)