Naisam go namta grung, masha hkum ko ra gadon ai namta lo malo rong nna, lusha gaja langai rai nga ai, grau nna go ningshung lado hta pu kan nau n gaja ai ni sha yang gaja nga ai.

　　1. Ningshung lado e, lago lata lagyi ai nu num ni go, sai yom nna byin ai re. Bai naisam sha yang go sai jat wa nna, hkum ntai ai ni sha yang gaja nga ai.

　　2. Sinpai shatkan n gaja ai ni go, naisam hpe n-gu hte ahpa hpa sha yang mai ai.

　　3. Chyu ko ana rong ai ni, naisam hpe gashin shatsom kau nhtom tok mani jahku shup la rai, hkaulan shingmun hte gayau la nna, machyi ai ko arut chya ton nhtom, hkro mat ai hpang bai galai chya chya di yang, ana bum machyi ai jasim kau lu ai.

　　4. Chyu nau n rong ai nu num ni sha yang, chyu lo wa ai.

　　5. Hpum shagrit. Naisam go Hkyenwui(纤维) lo nna, masha hpum wa na lam shagrit ya lu ai.

　　6. Naisam go ana htang n-gun rong nna, nong e awo wo ai ni sha yang gaja ai.

　　7. Num la sade n-gun yom ai ni sha yang mai ai. Bai nu num ni jit lo, num hking n hkamja re lam ni mung tsi lu ai.

　　8. Sinwop n gaja nna, nong e jahkru re ni sha yang mung mai ai.

　　9. Sai htang shayom ya ai akyu rong nna, jit dui ana rong ai ni lo sha yang mai ai.

　　10. Sai lam ko sau gatin rong wa na htang maja lu ai hta n-ga, sailam gaba ja wa na mung maja kau lu ai majo, sailam hkamja wa shangun lu ai.

　　11. Sai sau tso ai masha ni go,lani mi naisam 2 sha yang, sai sau ni sailam shakum ko gating rong wa na htang maja kau nna, sailam ana ok wa na matu htang maja lu ai.

　　Naisam hpe go gabo, shadu, ju gakang, gangau sha mai nga ai, raitim galang ta nau n mai hte sha ai, grau nna go gatsing nau n mai sha ai, gatsing sha yang kan chyabung wa, masin gahtet machyi wa, ga-e wa, kro hkri wa re kumla byin wa ai. Naisam sha ai shaloi hkrang hkyi simai ni hte rau sha yang kan chyabung ai mai lu ai. Dai rai yang, hkainu hte rau n mai sha ai.(Sok gale ai Nhkum Bok)