Kilvam ma wumnan ze zhaq myo le, danggve danbezhi、zhifang、tanshui huahowu、wuisinsu eq gai、lin、tye ga e bve azhung zhung wumman ze bo le. Diqa gi wuisinsu P zhaq myvang le. Wuisinsu P gi suicho kat nyvontan lo ra qo wo lvoqrva byi nyi e gewang bo le mu, suicho koktan ra qo eq suicho buqgoq ra qo wo gam le. Haumu, kilvam yishi zo zhang, suimyvang ana、gonxin ana、suicho koktan lo ra qo eq sui toq ra qo bve gam e gewang bo le. Ximai lailui, kilvam gi mangzo wui myigo wut ra qo gam e zoze jai mo lahu ri ngvut le.

　　Mangzo wui suicho yvoyvo mai mang jum lo angvut zhang koktan lo byuq dut e mizho, mangzo wui gungdu sho ma myigo ko zhaq dat toq bum lo le. Asu mu, mangzo wui kilvam myo zo zhang, mangzo myigo ko wo shau byuq le. Kilvam ma gi wuisinsu A、wuisinsu B、wuisinsu C、wuisinsu D eq danbezhi、gai bve bo le, haumu, byu gungdu suicho kat ri wo lvoq nyvom byi le. Kilvam gungdu ma lung dvo e suibup ri wo lvoq byo byvam byi mu, suicho cauzhi ra qo ri wo lvoq shau byuq le.(Puqsu Mulat)