Chuize zo zhang byangbyang za sipoq wui ge shuq nyvo le.

    Dan-gau、qauke li、nvut mvui ze bve chuize  myo zo zhang, gungdu ma Bzu ga zhung wuisinsu ri zang lvoq toq byvam mu, nvutkau sho ma no、munsui  toq、buchap gvut dat dut le.  Haumu, chuize zo zhang yinlyau shuqze bve ashuq, sipoq wui myo shuq ri ge le. Byangbyang za sipoq wui shuq zhang wam kau ma zo lvung gvat e cu bve ri lo wo lvoq byang byvam le.  Byang    byang za sipoq wui shuq e mai lailui, byangbyang za linmung wui、juhua sipoq wui bve shuq ri ge le. Chuize zo zhang Bzu wuisinsu  bo e zoze myo zo aq, danggve zhumzhum za shicham mvannyui sun eq howa zang zo gvolvang ge le.

    Shoput、cu eq nve jvuq e zoze、 sai rvang yu e sho bve zo zhang, mvannyui sun zo nyvo ri ge le.

    Shoput、cu eq nve jvuq e zoze ma gi sai rvang e kun Aizhin ga e no dap ze zhaq zang lvoq toq bum be. Haumu, shoput ze yishi zo zhang, qipam Ai ana、u Ai ana、ruxen Ai ana bve toq lui le. Hotui chang、xangchang、sho yen、 shomvik bve sai e kun yaxausonyen lvoq myvang be mu, xibve myo zo zhang zhichang Ai ana、yixen Ai ana bve dat toq lui le. Haumu, Shoput zo ri mvannyui sun zo nyvo zhang, mvannyui sun ma e yelusu、qenwui gi Aizhin ga e no dap ze ri wo zhvup shuq yu e mai lailui, sing-u singzvut ma ri wo sai migum ge le.

    Cu myo e zoze zo zhang, howa zang myvuq bve ge nyvo le.

    Wuhua ru、   hungshau ru、nosho bve ri nga nvung ori zhaq ngui le, asu e xibve myo zo zhang gungdu  myum lui、xezhi myvang lui、danguchun myvang lui mu  sing suicho ana eq ugvoq Ai ana bve toq lui le. Haumu, xibve zo zhang cu wo zhvupshuq yu e yenme、zaumyi、lungbum、myvuqne mu e howa zang zo, yucai、kungxin  cai、mogu mau、dungzau、pyingo、shipung bve zo ri ge le.

    Gopu(shi jvuq)、byo-i shatang eq sairvang yu e shi bve zo zhang, ngoqhom bve jaq myvang e zoze ge bo zo nyvo le.

    Huamui、xingan ga e gopu bve sairvang e kun, wuisinsu C ban zang lvoqtoq byvam be, shatang、izhum myomyo dum gvat, xisu zoze myo zo zhang gungdu  dat myum le za angvut, xezhi ri myvang lui mu, sing suicho ana bve bo lui le. Haumu, gopu zo zhang jaq myo e shicham bo zo nyvo ri ge le, danggve zechui(chinzi)、hamyi gua、sangpo shi、ngoqhom bve ge zo le.       (Puqsu Mulat)