Nuqbvup gi Zaizo cun eq awo gang e chungze ngau ngvut le. Anvam mai Zaizo cun ma abo age, nuqbvup abo zhang cun gi man abo, cuntung cunne ma zhe gi abo age, nuq bvup abo zhang abyvut byang ma yvang ga le. Haumu Zaizo gi nuqbvup eq awo gang byu myo le, nuqbvup gi cu ri dut, dum ngvutzhang chi ri dut e zoze gemo lazhung ngvut le.

　　Nuq zhvoq ra hi ma lago byvang chi byvam mu zhvoq ra dut le. Nuq zhvoq e kun myi yinyin mai duq nvang ra dut le, myi age tan, watang age nyve, watang nyve zhang nuq ko le, zhvoq e kun nali aluq 4-5qing gvo zhvoq ra dut le, hauzhang sheq nuq lawo zhvoq nyvoq le. Wozhvoq nyvoq yu mai gi tunggva angvut zhang mungdvum ma poqgvat mu nuqbe tunggva, mungdvum chuq ma tautong mu 3-4nyi be dvo zhang ge be. Nuq bvup e kun ngoqpo eq be zhang nuq lui awo bup, nuqbvup ri zhege le poq gi lahum poq, nuqbvup poq(zumui haq)ngvut le. Bvup ge zhang yutoq yu mu izhum gvat mu tunglui lvapjvuq dvo zhang ge be, asu nuqbvup myamhui kun watang age nyve(nuqbvup ko le). Laqo dum ngvutzhang nuqbvut zhe ngvam ra midu, nuqbvup tung kun izhum shipyik, zapshi, hubyen bvun bve gvat mu tung zhang zhe ngvam le. (Zauzha)