Zaizo gi anvam byvat mai ipe dat cuqshuq, ibvat datbvat zo, pigang datzvan shuq e amyvu ngvut le. Yvumsing yvang munchi ho mu mun dat tung amyvu yvang ri ngvut le. Zaizo muntung e chungze ngau gi lakdui, sangko, sangnang, myibyeq, Munmo haq, ngvoqshang haq, dabu, haqyvon, sik zvun, Munzhvoi bo bve ngvut le. Tung ra hima chin ri hi lamyin nyvun dvo lui, napsun noq mai chin ri zvan ge dvo mu, lvapjvuq ge dvo be munchi ngau eq bvong nyvo gvat mu tung le, wo tung mvut zhang, munlong long e kun gunggung ma loqnyvui eq tauko dvong le, xisu gvut le ngvutzhang munchi apoi ra midvu gunggung ma piro, chang angvut zhang kanzhui bve gvat le, wo long ge dvo mai gi danbyvo angvut zhang tan ma gvat dvo mu atoq ma lampau haq eq ngvop dvo lui lvap hui yu le. Wo lvap huizhang 7nyi ma wup yu mu ne eq zhoi e mai myikau zang hup zhang ma dvuilvang dvo ra dutle, hauzhang bau adat bau, haumai icuq ra kun kamyvo cuq ra ngvutzhang gve mu yugvat zhang gebe. (Zauzha)