Joqmyo yam ri wuinye eq qi nyvun zhang lagungdu e cece zvangzvang zi ga zhaq ngon le.  “Ngam gi qi mai wang le”“Qi nyvun ri ge le”ga e nganvung ori ra se bum le, yvumsing qi nyvun e nung ma, zoshang ri laha shui langshe nyvun, xidong gvut zhang zo shang e gungdu ri dat jai nvo ngam, asu e, xidong gvut e gi shutmo mo le.

Wuinye nyesoq mai dai zhang, zoshang eq gvobang nyesoq lazhung za awo gvut, gvobang lumlum nyenye zi ga e, zoshang gi zhaq nye be. Haumu, zonu zoshang wui gi gungdu mai nyesoq toq lui le mu, laqma wuinye eq qi nyvun zhang, nye toq nye dat dut le.

Lailui, wuinye eq qi nyvun ri gvobang gi gungdu wangzan qo eq gungdu lvoqce lvoq zvang qo ma gewang zhaq gvo le, lawam gi zo shang ri xidong gvut e bo le. Asu e, qak mai dai zhang gi, zoshang ri wuinye eq yishi nyvun byi zhang gvohing lo qo ma ri zhaq zang langjvo le.

Zonu zoshang u ri, zoshang e qimyoq wuikong bve lago aban gvo ding shi, shoji showui nvuinvui nyvomnyvom dut ashi, qiwa ma zing dvo e shonvik shocu bve ri bu kop awo ra shiq.

Haumu, zoshang wui  dvoqyap e kun qiwa dingding rara dut le, qiwa ding ra e xi gi asak 6zan zhe dat dut le, yvangmoq e shoji showang ban wo yuq ding zhang sheq qiwa bu kop e lawo toq ding le. Zonu zoshang ri wuinye eq qi yishi qi chi byi angvut zhang qi nyvun byi zhang, qiwa qimyoq ma shoji sho wang bve dat nyvom byuq mu, gvo lo hing lo qo lazvui lvang age.

Akun, zoshang gi qi age chi lo dvi?  Hau ri gvum angvut. zoshang ri nyi kangmo qi chi byi zhang, qi ma sop dun byi gvut zhang suicho rot、nogam noya e gewang bo le. Asu e, wuinye ge jvo dvu ra dut le.

Miyu ma, zoshang ri qi chi byi zhang chung e wui, nyeyam ri 38℃~40℃ jiro, joqmyo yam ri 45℃ gvo ge gvut le, izhvam qi ma ra ngvop zhang ge be, nayi 3~5minit nyvun zhang ge be.

Qiwa bu kop qo zoshang mai dai zhang aqak mo yvang ngvut le. Zoshang ri yishi wuinye eq qi anyvun byi e mai lailui, miyu ma,  inu iwa gvut bang zoshang ri yvum ma qichin so nvang zhang, qinyvui jvaq wum bve zhe wo lvuq le, qo so ri gewang gvo le. (Mulat)